لـيل الـبرد !! - °~*¤®§(§ شبـــكة ويــلان العـربـيـه §)§®¤*~ˆ°

**عبدالمحسن الجلوي** · 21/01/12, (05:15 AM)

للريح صوت الحزن باطراف شباك = في ليلةن شاف الجحود وندبها
كئيب يشبه صوتي اللي تمناك = في ساعةن فيض المشاعر غلبها
ياطول ليل البرد واسرف بذكراك = مع ناري اللي ماتجمل حطبها
البارحة عاتبت طيفك وطرياك = ومن يملك الاشواق يسوى عتبها
عاتبت طيفا جاب طلة محياك = في صورتاً لون الخجل يغتصبها
ياهادماً صرح المحبة بيمناك = عجزت لافهم دمعتك وش سببها
سعيت بالفرقا ولبيت مسعاك = والنفس تبقى ملك منهو طلبها
ان جا الندم في تال الايام وابكاك = خاو الطيور الطايره في سربها
اذكر حبيباً في زمانه تحراك = العمر يمشي والسنين نحسبها
لو في يدي انساك والله لانساك = وانسى ليالن شفت ضيعة تعبها
مار الخيال اللي عجز عنه الادراك = ينسج بروحي صورتاً من هدبها
بالسامري غنوا جروحي بفرقاك = قامت تّهزّع فرقته من طربها
شاعر شكا ضيم الزمن يوم ناداك = وحزن القصيده يشربه من كتبها...