مدح بالجعافره

[سعود راجي الفريح]

بسم الله الرحمن الرحيم
السلام عليكم ورحمة الله وبركاته
اخواني الويلان عامه والجعافره خاصه في شبكة ويلان على راسهم صاحب هذا الصرح الشامخ هندي المقبل،،، وحمد الضوي وسعد النفج
اعتقد لايكفي هذا الشاعر المبدع ،،،،،،،مقبل سليم ،،،،،،،،،،،رد قصيده علم بانه له المزيد والمزيد في مدح القبيله
والقصيده بسم الويلان عامه والجعافره خاصه

قال الذي ماهو عن البعد نشاد=اليادعوه اهل الكرم والحميه
سقت القدم تقدير لصحاب الامجاد=سوق المطايا مبعدات النويه
ياسعود راجي ياولد مرخص الزاد=اخاف لو ماجيت تزعل عليه
جيتك على قدر الغلا يابن الاجواد=مايعتذر ياغير راع الرديه
من باب هذا المنطلق جيت منقاد=والنيه البيضاء السموحه مطيه
اعداد مانكتب بهجري وميلاد=على بني وايل سلام وتحيه
سلام من نجد العذيه البغداد=اعم فيها العزوه الوايله
احفاد وايل والله ونعم الاحفاد=سلايل اللي فكو المنذريه
منهم ضنا سليمان للمجد رواد=أهل الزعامه والعزوم القويه
تاريخهم مايجحده كل جحاد=ماكنه الا نور شمس ضحويه
سلومهم بالطيب ميراث الاجداد=للضيف والعاني يديهم صخيه
غيث السحاب اللي مع الصبح رعاد=يسقي معاطيش الكبود الضميه
جعافره صفوة صناديد وأسياد=روس الرجال مطوعين العصيه
اللي مواقفهم قديمات وجداد=بالطيب لابار الخوي مع خويه
مايتنتقد ماضين الافعال نقاد=النقد عنهم قاصراتن دليه
جعافره غصبا على كل حساد=مثل النجوم بليلتن خرمسيه
وان شبت النيران من قدحت زناد=من شبها يطيح فيها ضحيه
يطيح في ناره من ايديهم اوكاد=بالساعه اللي مابها مرحميه
جعافره من دون قطعان الاذواد=عدوهم يلبس عباة الزريه
يقبل كما الحاكم ضحى يوم الاعياد=ويقفي كما الراعي بليا رعيه
لاصار ماهو قدهم ياخذ احياد=لايبين الذله مادامت خفيه
الارض كن الله خلقها لهم ماد=يومنها بالسيف والبندقيه
تسلطنو برماح وسيوفن احداد=ماهو بحب الخشم والمقدريه
مقدامهم يوم الصواريم جراد=عقاب لاضاقت فجوج الفضيه
شيخ على هومات الاخطار معتاد=قايد جموع العزوه الجعفريه
مثل البحر ياهاج يغرق له بلاد=تلاطم امواجه صباح وعشيه
يهوم من زود السطر هومة اعناد=صميدعي ينطح الحاله سريه
عقاب سعدون العواجي به ايشاد=فارس زمان عصوره الأوليه
هذا الصحيح اللي له اثبات وسناد=يوم البشر تحكمهم العنصريه
واليوم حامد عندنا مثل حماد=الاسم واحد والقبايل سويه
عصر التناحر والتباغض والاحقاد=قضو عليه ملوك نجد العذيه
حتى غدينا اخوان من بعد الانكاد=ونفوسنا في طاعة الله غنيه



وسلامتكم،،،،،،،،،،، الشاعر مقبل سليم البلوي