(الحجر والماس ..........!!!

[حشر الغضيان]

صباحكم خير وبركه .. تعبير عما بالنفس قلتها في من بنوا اشعارهم
على افكار غيرهم .. وسرقتهم لبعض الابيات وكتابة قصائد عليها
اتمنى تنال استحسانكم ...

.
.
.

(الحجر والماس ..........!!!

.
.

على طرق البحور العاصـــيه عن جملة الشعار=تهـــادى فكــري لصفوة مشـــاعر والعرب نعاس
خذا له جــوله وصـــوله على مد النـــظر بأسفار=يشـــد بهمــــته شاعر ســـلايل من قـــوي البأس
تفرد وانتــــخى بعرفه وصــيده لأجزل الأشعار=قوافي تطرب النـــــاقد قبل لا يطــرب الحساس
لقـــــيت الشــعر له ناسه تّخيـــر له من الأفكار=تجيب القافيه حصر(ن)على فكره مع الهوجاس
قصيد(ن) يرجــــع لمنشــــاه لا لدّة بـه الأبصار =درر شعار تفــــرقها مثـــل فرق الحجر والماس
ولقيـــت الشعر به ناس(ن) تبي من طيب الأبكار=على كتـــفه حمل قفــه وفــي يده رفــــع له فاس
يروح الـــذا ومـــن هذا خذا له قطعه بمــــنشار=يفصــــل خامه بفكره قصــرها العرف بالمقياس
أنا ما قــــول بأبيـــــاتي كــــلام يصـّــف للتذكار=أبيـــــها روح للقـــــاري يـــرددها مـــع الأنفاس
وصــــيه ياهـــل الواجب ترانــــي لا بغيت الدار=اجمـــع عرفي الفايت وأحطــــه قاعــــده بالساس
هواجــــس فكر نكتبــــها ونرســـلها مع الخّــطار=تزيل عمــــاس له مده لجـــا وسط الحشا والرأس

.
.
.

ودي للجميع ..حشر الغضيان ...