بوح المشاعر!..حديث الذات!

[فــرج الدهمشي]

صوت الشاعر ناصر عطاالله العنزي
مدري وين راح اختفى : )

عزي لمن مثلي حياته زحاليق = كل ما رفع راسه تجيه الاعاقه
ولا كمى اللي عاش عمره تلافيق = ابسط حوايج دنيته بطقاقه
ليتك يبن عمي على حالي اتويق = كني مريض ٍ ناخر الدود ساقه
واليوم صبري صار مافيه توفيق = او صبرن بليا فود فعل الحماقه
يا الله ياخالق جميع المخاليق = ياعالم بخافي الامور الدقاقه
تجيرنا من نار تشوي المعاليق = يارب انا مالي على النار طاقه

ردي لابياته

لاتشتكي ياهام سنجار و طويق = حبل الوصل مشدود عندي وثاقه
فزعاتنا ماهي برد الطواريق = ابشر وحنا يالبناخي رفاقه
من غربنا إلين توصل تشاريق = فدا ولك فوق القرابه صداقه
نزيل عنك كل ما يمكن يعيق = واللي تبيه يجيك طيب ولباقه
حنا ليامن وصلت نشفة الريق = نزيد للجهيل جهل و حماقه
بالجنه العليا نمارق واباريق = والعبد بالدنيا كثير انزلاقه
الصبر والسلوان جعل الله يتيق = قلبك لهديٍّ يرتضيلك سياقه
ويجيرك الفتنه وبطش المطاريق=في ساعة والمرء تلتف ساقه