كل" على مذهب وكل" بمله = وكل" على كيفه يكون علاقه
وكانك تحاسبني على كل زله = ماعاد ابيلك يارفيقي صداقه
كل" على ناسه يشيخ بمحله = وكل" على ذوقه يحدد مذاقه
واعرف ترا من تاه غيره يدله = وانكار عرف اللي تعرفه حماقه
هالمنتدى ماجيت انا تحت ظله = من شان امثل دور حسن اللباقه
ولاجيت انا لجل العيون المظله = من شان ادور من وراها عشاااقه
الصبر في بعض المواقيف عله = لاشك احشم وجيه ناس" رفاقه
مار انت تكفى من يجنبك خله = ان كان ينفع بك كلام اللباقه
الخبث خله والخطا لاتسله = ومن مثل شكلك ود قلبي فراقه
واليوم كل" يارفيقي بمله = وكل" على كيفه يكون علاقه
قصيدة الشاعر / مزيد المزيد
30/04/05, (01:16 AM)
كل" على مذهب وكل" بمله
العرض الشجري