هلااااابـــــك - °~*¤®§(§ شبـــكة ويــلان العـربـيـه §)§®¤*~ˆ°

**طيف القصيد** · 09/10/11, (04:33 AM)

تعالي ياهجوس الشعر عيشي لذة افكاري=من ابيات برتبها ولجل عينه بغنيها
حبيبي الي لامن غاب اصير برجعته داري=لقيته واقف ببابي ودمعاته مخبيها
لقيته طالب قربي يبي قلبي وله شاري=وكنت اقوله خاين نسى العشره ولياليها
هلابك ياهنا روحي هلاياجنة افكاري=هلا ياقافية وجدي ويااغلى معانيها
هلاحييت ياجرح السنين ولوعة الساري= مكانك في عروق القلب متعبها ومدميها
كتبت الهم في بعدك وكن لرجعتك قاري=وسطرت العذاب حروف لكاتبها وقاريها
تعال اسمع صدى الذكرى يسولف لك عن اخباري=عسى في رجعتك تبرى جروحي يامداويها
بسولف لك عن الماضي وعن سرمن اسراري=وكم ليه وانا اتحرى وطالت بي حراويها
وابترجاك لاتبعدوبنهي معك مشواري=ونا جنبك وفي قلبك حكايتنا ابنهيها
وتغفى عيني بقربك واقول اعشقك بجهاري=واسمع كل ناسي ماتخوف من تواليها
وش اللي جابك الليله وش الداعي وش الطاري= اثر هالسالفه حلم من اولها لتاليها
صحيت وكنها احلامي تغني لي باوتاري=تجيبك لجل عيني تعشق الذكرى وتبكيها
عشقتك ياعنى روحي وكتبت لعينك اشعاري=وعسى من لامني بالحب مايقرى قوافيها