يا رب عفوك...................!!!

[صالح العرجان]

سلاااااااااااااااااااااااااام

من مكتبتي الخاصه اهداء لكم.


/
\




يا رب عفوك عن خطا النسيان .. و كبار الذنوب=
رحمتك لا حل الأجل .. و الموت نكبة غافلين

نعوذ بك يالله من النكسه .. و من ضيق الدروب=
و من القهر .. و الخوف .. و الرجفه .. و من شر السنين

حنا علينا .. ندعي لوجهك و نطلبك الوجوب=
في ساعةٍ فيها ثلاث ارباع خلقك .. نايمين

يا رب و أسمك يفتح البيبان .. و يزيل الكروب=
أدعيك و دموعي تصب و تنهمر .. فوق اليدين

يا رب تجعلني من أهل الصبر .. صافين القلوب=
أهل العلوم الوافيات .. المؤمنين .. الطاهرين

أمنت بك يالله .. و انا مليان الى راسي عيوب=
و أنا اشهد أنه .. لا اله الا انت خير الراحمين

بالأمس مالي بالوجع طاري و لكنّ .. الهبوب=
هبت على صدري و هزت فيه .. ضلع ٍ ما يلين

ما عاد هي لحية بكاء ساعه .. و فتح زرار ثوب=
لا والله .. الا حاجة ٍ لو جيت أبخفيها .. تبين

المشكله اني كل ما قابلت .. كذاب و لعوب=
قلت الحياة و طبعها .. يا رب زينها تزين

أستغفر الله .. كنّ في صدري من الضيقه حروب=
ثارت و دارت .. و انتهت بالموت بين الجانبين

الارض ضاقت .. و أصبحت مترين .. و العزم مغلوب=
و الموت قرّب .. و اصبح وجوده لعيني .. فرض عين

ممكن يذوب الثلج !! .. لكن كيف كفيني تذوب؟=
من كثر ما أفرك بعضها في بعض .. ذابت راحتين

ساعه تمر .. و تمضي الايام .. و الوقت محسوب=
و الهم ينحت في ضلوع الصدر و الحصن المتين

يارب .. تعطيني من السااعات ما يكفي .. و أتوب=
و يا رب تجعلني على مافات .. مرضي والدين

الحمد لك .. و الشكر .. و المنه .. على كشف الغيوب=
سبحانك الله .. لا كريم الا انت .. رب العالمين

أمسيت أصارع قسوة العبره و أقاتلها .. و انوب=
عن قوم قلبي كل ما شدوا و قالوا : .. راحلين

يالله طلبتك .. صحوة الغافل و تخفيف الذنوب=
و اعوذ بك يالله من النكسه .. و من شر السنين




الشاعر : عبدالله ذويبان.