انشودة نادي الشباب

[خليف فراج الشمري]

السلام عليكم ورحمة الله وبركاته :

هذي انشودة خاصة بنادي الشباب


مع احترامي لجميع الجماهير الرياضية بكافة ميولها


اتمنى الجميع يتقبلها بروح رياضية


وهي اهداء مني لكل شبابي
وعلى رأسهم صاحب السمو الملكي الامير خالد بن سلطان رئيس هيئة اعضاء الشرف بالنادي

ورئيس النادي الشيخ خالد البلطان

الى اصغر مشجع



انا شبابي والشباب اسطوره
والليث علمهم اصول الكوره
في هالزمن مانسمع الا ثوره
والليث له ثوره ماهي عاديه

الليث لامنه ضرب بيدينه
محداً على ضرب اليدين ايدينه
تصفحوا التاريخ ياناسينه
واقروا تواريخاً مهي منسيه

حطم مقاييس الفرق بنجومه
واليا حضر فاللعب هذا يومه
كلاً يهاب الليث عند قدومه
ويضّيع الغتره من الطاقيه

وراه إبن سلطان شيخاً وافي
الداعم اللي في وجوده كاافي
الله يديمه سالماً متعافي
لليث يبقى سيدي ماريه

وايضاً فخرنا فيك يالبلطاني
يابو الوليد الشامخ المتفاني
مقدام والمقدام شياً ثاني
لك سطوتاً مجنونتاً مقريه

قدت الفريق لمجده المعروفي
يوم البطوله ماتجي بسيوفي
واليا وعدت بشي لازم توفي
وحنا معك في كل دار وهيه

جمهورنا جمهورنا الالماسي
ماهو لمجده يابشر متناسي
واليا حضر يحضر لعين الكاسي
والليث يخطف كاسهم عنويه

جمهورنا ماهو قليلاً والله
واللي يقوله ميتاً من غله
جمهورنا لاجا تزين الطله
ماهو بمثل العالم المبليه

ويكفي جماهيره فخر شعاره
ابن الفهيد اللي نحب اصراره
وايضاً خلف مشعان راع الشاره
ايشجعون الليث بالرديه

والوايلي مانع شبابي فطره
ايشوقنا حرفه ورشت عطره
واليا كتب حرفه يوازن سطره
عليهم ازكى نفحتاً وتحيه

قلته وانا مااعرف دروب العجله
هذا على شان الشباب ولجله
قلته وانا سلطان واصلي هجله
تحيتاً من خاطري مبنيه




خليف الهذال _ انا شبابي.mp3 - 5.3 Mb




أداء المنشد / خليف فراج هذال الشمري


اتمنى تحوز على اعجابكم

وتقبلوا تحياتي