المحاوره اللي تسببت في اعتزال خلف بن هذال / منقول

[عبدالرحمن اليمني]

اقدم لكم هذي المحاوره بين صياف السحيمي الله يرحمه وخلف هذال

وقد ذكر ان هذه المحاوره هي سبب اعتزال خلف للمحاوره

وكانت بحضور الامير خالد الفيصل امير منطقة عسير

صياف:

نادوا الشيخ ابن هذال يشعب حصانه

================فيه علم جديد وفيه حاجه غريبه

قالو انه مع العربان مطلق لسانه

===============كل مامر وادي لصق في شعيبه

خلف:

جاك فوق الحصان الي طويل اعنانه

==============في مداهيل حرب مسرحه من عتيبه

والسنتنا لها فالحق فرض وضمانه

=============مانسوق الشباري فالعظام فالصليبه

صياف:

حرب لاجوك قلبك يختلف عن مكانه

============ثم قلت ارحموني ويش هذا المصيبه

انت مثل البعير الي تغير زمانه

============قام ياكل سنامه من رداوة نصيبه

خلف:

حرب عندي دواهم خانة فوق خانة

===========لقمة بالرضا ياحرب ولا غصيبه

والجمل ياابن حرب وسيع ابطانه

==========كل ماتطلب الشطه ينزح حريبه

صياف:

انت رجلن لعين ولاتكب اللعانه

=========كل ماشفت لك واحد غريب اتعديبه


خلف:

ليت لك في بلد جازان دار وحضانه

=========حيث فيك الوصوف من التهامي قريبه

لاتحدد سنونك ياوليد السمانه

=========لي مخالب طوال ولي كفوف عطيبه

صياف:

انت امانه وحنا مانطش الامانه

=========دام هذي علومك فيك شكه وريبه

ليه تترك صلاتك ياقليل الديانه

=========مادريت ان جمر القبر تحت النصيبه

خلف:

صون امانتك وحرصهاا برفق الصيانه

==========واحلب العنز وابن التيس حرم حليبه

ابن عمك طبوعه قشر وسمه عفانه

==========كل ماغاب نجم بالسما ينسريبه

صياف:

صنتها صون مسلم مايعرف الخيانه

=========مار بعض الاوادم علة يندعي به

انت شاوي غدت معزاه في وسط ضانه

===========عقب قفى شبابه مابقى غير شيبه

خلف:

حط للرجل عن شوك الهراس البطانه

===========داخل لك حمى مجهول ماينمشي به

لو تضيع الغنم مانيب فارض الكنانه

===========نجد اببطش بحصنيه واضيق وذيبه

صياف:

تعرف اني ذهين ومن رجال الذهانه

===========والله ان الشراب الحلو ماتهتني به

اعرف الشجرة الي تنبت البرتكانه

===========ثم عقب العشاا قفل عليها الزريبه

خلف:

اعرف انك ولد شيطان منبع شطانه

==========سكنتك ماتجيك الا ونا في مغيبه

ودي اصدع بهذا الضلع واخلف كيانه
===========لين اهجدك والفيران ماتلتجي به

صياف :

من يهين العرب يبشر بكثر الاهانه

===========انت غايب ونا ادورك مثل الذهيبه

انت غوار والا واحد من خوانه

===========تحسب ان الجبل يطلب ويرضي طليبه

خلف:

اعرف اني عذاب المشتهي وامتحانه

===========وانته اللي تودي علم والا تجيبه

قمت تطرق لسان كنه الخيزرانه

===========ضاع وصفك بعد نصفك بغيت اتغدي به

صياف:

لو تقدر عليه من امس قضيت شانه

============مار ما اظن عندك درهم تشتريبه