أخواني الكرام اخواتي الفاضلات اعضاء وزوار منتدى ويلان
السلام عليكم ورحمة الله وبركاته
إليكم هذه القصيده عسى ان تنال اسنحسانكم ودمتم بكل خير.
.
.
أكـتـب مـن الشـعر المقــفى بالأوراق = أبــيـات شـعرٍ جـوهـر الـماس مـعناه
مـــانـي بــغــدارٍٍ ولانــي أبـــواق = ولاني من اللي فضل الاصحاب ينساه
ولاني من اللي يحتمل كسرة السـاق = أحـب مـيـقـاف الشــرف واتــمـنــاه
الرجــل لـه مـبداء ومـنـصى وميثاق = واعــز رجــلاً تـفـعـل الـطـيب يمناه
الــطـيـّب ألـي لـلـجـزيلات سباق = الـلـي علـى الـطـولات يتعب مطاياه
ولاعـز رجـلٍ صـحـبـتـه بـس ياراق = في قــســوة الايــام يــنـسى ونـنساه
لــو هـو ولـد عـمٍ قـريـبٍ لـلأعـماق = يــاصــار يــنـسى واجـبـه مـاترجاه
ياصــار مــاهـو لـلــمـهـمات لـحاق = وش عــاد لــو كـثّـر حــلاله وربـاه
ويـن الـرجـال اللي بنشفات الأرياق = مــيـقـافـهـم مـع اكـثـر الناس تلقاه
دنـيـاك يـابـن آدم بـها جمع وفراق = ياما جمعت وفـرقـت من هـل الجاه
للـمـعـتـبر عـبـره بتـقـسـيـم الارزاق = رزقــه يجـيـه ورزق غــيـره تـعـداه
وكــلٍ بـتـفـكـيـره وعـقـلـه والاذواق = فــيــها اخــتـلف ناسٍ كثيره لقيناه
والـحـكــمه لـوالـي المـقاديـر خـلاق = خــلاق مــابــالـكون عـالـم خـفاياه
28/04/05, (12:49 PM)
أبــيـات شـعرٍ جـوهـر الـماس مـعناه
العرض الشجري