أحرجوني بالسؤال

[مشهور الرشدان]

يسألوني من هو نبضي
من هو حسي
واحرجوني بالسوأل؟؟؟؟

من هو حسي
من هو عشقي وإشتياقي
من هو لازعل يظلم وجودي ؟!!

يسألوني وأحرجوني بالسؤال !!
لأن الغلا ساكن عيوني
والعقل أصبح جنوني

ظنوا إنهم بيعرفونك
مادروا إنك أنـــا.. وأنــا عيونك
مادروا إن الهوى.. أصله شجونك
وإني أنــا أنفاسك وكونك
لو زعلتي ضاق صدري
وإن ضاق صدري عرفتي

هذا وأحنـــا من بعيد!!
وإحساسنا كنا قريب
وإذا أظلم الليل الوحيد
صوتك غدا همسه رهيب
يشعل مشاعر من جديد
ويجدد إحساسي الغريب!!

عادوا وردوا بالسؤال !!
قالوا في عيونك كلام
يمكن عتب ولا ملام

قلت الكلام حرفه رحل
وماعاد للمعنى مكــان
حتى العتب ماله محل
مــادام قلبي في أمـــان

قالوا إحساسك جبل
ومايسكنك غير المحال
وفي دروبك أشواك ووحل
ماللعشق فيها مجال

قلت إسمعوني يابعدِّي
ولاتكثروا عنها الحكّي
أحدٍ سمع عن جوهره عايشه في عالي الجبال
تسكن في قصر من حنان
وجمالها كنه خيال

ذاك الجبل هو المستحيل
والقصر قلبي ياحضور
وإذا بغيتوا شوفها
ناظروا عيني وخلاص ..

وخابت ظنون السائلين!!
اللي بغوا لك يوصلون
وبقيت أنــا وحدي معاك
ياأغلى من عيني انا