أنا ..وحبيبتي ..وتفاحة "نيوتن"!!!!!

[مصلح النشمي]

.




لحظه.!!

\

لحظه..!!


الله "يخرب بيت بيتك"..
كيف في لحظة عشقتك..
ودون ما ادري هويتك..!!

تدري وش يعني (هويتك)..؟

شفت تفاحة "نيوتن" من "هوت"..
على طاريها ذكرت..
لحظه يامستر نيوتن..
لاجل تفاحه انشغلت..!!
ياخي ماسحها بكمك..
ثم ما كلها وساكت..!!
ما ألومك..!!
يمكن انك كنت تشحذ..
جالس بظل شجره..
لا وظيفه..
ولا مره..
و لا عيال..
و فوقهن يا حّول عاطل..!!
يعني عاقل..
يعني فاهم..
يسأل المسكين نفسه..
"ليه هالتفاحه طاحت"!؟!
يعني وش تبغى يصير..
تبغى تفاحه تطير.!!
ماتبي اية ذكاء..
وماتبي حنكه ودهاء..
واضح ان الارض فيها..
شي يجذبها إليها..

/

\

اوووه ياحبي نسيت..
اثرني اشرح ((هويت))!!

مادري وش جاب النيوتن..
بس انا اقصد يا حبيبي..
شفت تفاحة نيوتن..
يوم طاحت..
كيف طاحت..
وكيف هو فيها تمعّن..
لين ما يعني تمكن!!
واكتشف هالجاذبيه..
انا زيه!!
يوم في حبك ((هويت))..
وداخل ضلوعك رسيت..
اكتشفت الجاذبيه..
تنوجد وسط الاوادم..
ماتبي قانون عالم..
يعني القانون عندي ..
ماهو عندك يانيوتن..
((كل (قلب) في سماء الحب هام..
ثم في بحره (هوى)..تبتدي به جاذبيه!!))



لكم حبي...