°ღ°♫╣روحي بلقاك إتفزّ فزّة حمامة╠ ِღ °

[مشاعر شآمخه]

صبحتو بالخير
وشنوح محد رد آلسلام ؟على طاري وشنوح ياحلو ذا الكلمه الله يجزى قايلها بالخير
نعود للحسي
عندي لكم سالفتن
تعالو على جنب كلكم
آقرب رصيف نجلس عليه وآقولكم آلسالفه >>اذا ماتبون الرصيف اجل مابوه سوالف
هذا الصباح شويبي يعل قلبه السعاده
مايودعن قلبي ادعي عليه تخبرونن قلبي رهيف
الموهيم
الرجل الحين شادن على عمره يبي رجيم عاد انا اقوله والله انك ياطخمك وانت سذا
مير سنه يعرف اني سذوب وانه دب
هو عاد مودب دب لا هو دبيبه مع نص دب
الوكاد قال ياشينه لعاد تقدمين لي عيشتس الي تنفشن نفش
اهي اهي
ايه هذا انا اعيط علامكم ايه ابسي ليش عيشتي تنفش بلاه ايده مايكرب عليها شوي
وبعدين ابي اسئلكم
هو يومه قال ياشينه تهقونه سبن ولامدحن
مالكم بالطويله
واصحى الصباح قال يبي خبز صاج بر
وانا اقوم عين مفتحه وعين مغمضه ياربي ياهو طلب واعجن عجين واخبزه له
وكله بصوب وروعتي لما صرخت بنت جيرانا على اخوها تخيلو انا مندمجه بشغلي اقشر ماعلى الا ذيك الصرخه
الله يخسس من بنت عليها حنجره غير شكل
ماخلصت وعلي ذنب من الذنوب
يقاله يبي ينحف قبل يعرس
واقرب طوفريه واصف الصحون فيها
زبادي خيار بيض سلق طحينيه سائله ومربى فراوله خبز بر كاس حليب مع كاس شاهي
وياكل
وياكل
وانا ودي اصفق اقرب واحد ؟؟؟لالاعيب موهو اقصد اقرب واحد
الحين يومه يبي رجيم علامه يطلب كل ذا
يحليلي حدي لياتريقت نصف صامولي مع كاس برتقال
لاوبعدها رياضه
الحمدالله خلصنا فطورنا على خير
وجت عاد حركات الدلع ياربي عفوك
لبسيني وعطريني وووو
بعد ماخلصنا
يقالي ماتلمح
حمودي يالغلا
شنو تبي غدى قال مابي شي بجي ارقد
شفتو راسي ذا
ايه
اصقعوني بقرب حاجه عندكم سانه ماقالي بعد شوي تراني جويع
وزينيلي عيشه