مبطــي وانا اكنها بالصدر واخفيها && بعض من كل &&

[عبدالله ثويني المانع]

الســلام عليكم ورحـمة الله وبركـاته ,, أسعد الله أوقاتكم

دعيت للمشاركة فـي أمسية في احدى المناسبات, حاولت الاعتذار لقناعتي الخاصة ولكن صاحبي أصر علي وارضاءا لخاطره قبلت المشاركة, الشاهد في الموضوع أن صاحبي وقبل بدء الأمسية بدقائق طلب مني قصيدة قديمة كان يحب سماعها , أخبرته أني لا أحفظها فقال الحل عندي فأتى بجهازه وأخرجها منه وأعطاني اياها لكي ألقيها , انتهت الأمسية على ما يرام , وبعدها أخبرني من يصدقني بأن أحدهم يقول شاعرنا يلطش من المنتديات ؟


بحــق مـؤلمة حاولت تجاوزها الا أنها تعتمر في نفسي وتؤلمني

فخرجت هذه الأبيات ولن أصفها بالقصيدة لأنها بعض مما في الخاطر وبقي الكثير

الناس ربك على النيات يرزقها=واللي يبي الرزق نياته يصفيها
ماني بتاجر بضايع جيت اسوقها=دعوه لفتني وانا ملزوم البيها
ناسٍ تسولف ونار الحقد تحرقها=من خلف ظهري غدر تطعن شباريها
قالو جزال القصايد كيف تسرقها=ياخي كبيره عليك تكون راعيها
يا كبرها يا عرب وان جيت ابرقها=حاولت ابكظم بعض غيضي واعديها
لكنها موجعه والروح ترهقها=يا عنك ما تنبلع لو جيت امشيها
واليوم في خاطري كلمه وابنطقها=مبطي وانا اكنها بالصدر واخفيها
للخمه الي شعار الكذب بيرقها=سمٍ زحاحن يشيلنه معانيها
يا لعنبوكم سما القمه اعانقها=نفسي عزيزه ولا يمكن ارديها
جزلات الابيات بالافعال اوثقها=الحمد لله على العليا مضريها
ولا السقايط بعيدٍ عن طرايقها=مير البلا يوم حاشتني دعاويها
يحرم عليه عليهم كود اطربقها=واضحك الناس قاصيها ودانيها
وام الجنيب ان حصل بيدي ابخنقها=حق الحيايا تموت وسمها فيها