هنا قمة الوفاء لكل أنسان كان ذكرة طيب !!

[خالد الطابوقي]

السلام عليكم ورحمة الله وبركاتة

هذا شخص عزيز على ولدي وصديقة الخاص ومن طلعت على الدنيا وأنا أرا هذا الرجل

ولة محبة لاتوصف في قلب والدي ولدى العائلة جميعها وأتي يوم هذا الرجل وهو في الخارج

ذهب لكي يأتي لشخص مريض بعلاج وتوفى هناك في حادث هو يحاول قطع الطريق إلى

الطبيب الذي يريد أن يجلب من العلاج ..وهذا الكلام قبل ثلاثة شهور


حزنت القبيلة كلها في وفاة الغالي ((فرج التريجي)) أبو عارف رحمة الله علية

وهذة الأبيات لم تنشر موجودة معي في ورق وأحببت أن أضعها لكم













===================
وهذا أبن العم على قعود يناشد أبن العم سلطان المرشد ويسألة عن أبو عارف


مثل ماتقولون يذكرة هل زار قبر أبو عارف

سلطان ماعينت لى ذيب المناعير=يالمرشدي ماشفت لى طير غيمار
عينت ابو عارف يابن المشاهير=لازم تمر يابوفيصل بمسيار
وسلم على قبرة مع كل تغدير=وليا نشد عني اوفية الأخبار
وجبلى حصا من حفرة القبر يامير=أريدها عندي على طول تذكار
الله لايبرد بحرة على الغير=احسن عزاكم يالعميرة وجبار
هو الرفيق اللى دروبة على الخير=هو الذي لكل المهمات صبار
يحفظ مقامي واحترامي وتغدير=من يوم كنا بالزهاميل وصغار
اطلب لة الجنات واجزية بالخير=واسامحة وارثية واقول الاشعار
يالله بدر المزون المباكير=من مزنٍ يفرح بها كل بذار
من مزنٍ تنشي على الغرب بعصير=يسكر هواها مابها ذرات واغبار
اليارزفت كنة خلوج على ضير=كنة خلوج صبروها على حوار
تمطر على قبرة ديم وشخاتير=تمطر على قبرة وتزيد الامطار
تمطر على قبرة وتنبت نواوير=وتنبت على قبرة من الورد وازهار

وإليكم رد على هذة القصيدة من مرت ولدة


ردت على أبن العم علي قعـود

لك ياعلى من عندنا كل تقدير=حيثك وفيت اليوم ياجزل الافكار
ووضحت معنى الصدق والحب للغير=ومعنى الصداقة بين وافين الاشبار
ياعلي جعل الله يجزيك بالخير=قصيدتك خلت بي الكون ينهار
وخلت دموعي فوق خدي مناثير=فوق المحاجر تنهمر مثل الامطار
على عزيزٍ كان لة كل تقدير=بين الخلايق لة محبين كثار
وكانك فقد ت اليوم ذيب المناعير=حنا فقدنا ياعلي شمعة الدار
حنا فقدنا ياعلي راعي الخير=يوم انسداد الوقت والوقت غدار
مرحوم يامن بالكرم لة مشاوير=يامن ترك في صفحة الطيب تذكار
تشهد لة كبار العرب والمشاهير=مجد ابو عارف بالعطا سر واجهار
وقت الشدايد مايجي منه تقصير=طيب كريم وبالمهمات جبار
ويالله يالي داير الفلك تدوير=تسكن ابو عارف جنتك بين الابرار
وهذا قضاء الله مافية تكفير=ملزم تقبل ياعلي حكم الاقدار

وهذا أبن العم الأديب والشاعر : سليمان الفليح حين سمع بالقصائد كتب هذة الأبيات

ياعل قلبي ياعلي آة ثم آة=ياعمق جرح القلب لاوعذابي
على شقيق الروح اللى فقدناة=من غيبتة كل الخلايق غيابي
ياكثر دمع من فراقة ذرفناة=وياكثر دمع لاذكرتة يجابي
ياحزننا علية حزناة حزناة=ياحزننا على عزيز الجنابي
راح الذي في كل موقف لقيناة=وعند اللوازم قط مايوم غابي
وراح الذي تندى من الجود يمناة=وراح الذي بالموزمة مايهابي
وراح الصديق الوافي اللى عرفناة=وعلى صديقة من النقاء مايجابي
ماظنتي بالعمر ندلة وننساة=ولاظنتي مثلة بديل يجابي
ننوح نوح الورق آليا ذكرناة=وتراءت الأيام مثل السرابي
واعزتي للقلب ياكبر بلواه=علي صديق من أعز الصحابي
يوم ألتفت بين ربعي ولاألقاه=يغمد بصدري خنجر للنصابي
وبين الجماعة خالي اليوم مركاه=وين ابو عارف ياتري اليوم غابي
عقبة ترىصملان قلبي مطواه=يالوعتي ياغربتي ياأغترابي
ياكم درب المودة مشيناه=وياكم درب للمراجل مشى بة
أعاتبة ثم أزعله ثم أجفاه=ويجي يرضيني بليا عتابي
ولااحتجت شي دايم الدوم ألقاه=ليا أدبروا عني غلاظ العلابي
ويضحك حجاجا لاخو يازي إذا جاه=ضيف من الأدنيين والأجنابي
ويسعى إلى العليا ولو صعب مرقاه=ليا ماتعلى فوق عالي الهضابي
ولاجمع الأموال من أجل دنياه=ياخذ ويعطي لابخل كل هابي
عزي لنا عزاه عزاه عزاه=رابح ابو عارف لاوكبر المصابي
وعزي لقلبي يوم اذكر محياه=ياحيف ياوجة يجية الترابي
القبر جيتة ياعلي وضفت مرثاه=من العباير جبت ياعلي مابي
ودعيت لة يالله يالله يالله=تغفر لبو عارف بيوم الحسابي
ويارب عسى جنة الخلد مأواه=وتمطر على قبره حقوق السحابي

وأعذروني إذا في خطأ لأن الأبيات مكتوبة بخط يد غير واضحة تماماًُ