قصيده اعتذار مطلق النومسي من الشعلان

[مشهور الرشدان]

يـا الله يـا قابـل صـلاه المصليـن = يا مطهر الصايم ليا احسـن صيامـه
انـك تثبتنـي علـى الحـق والديـن= وادمح خطاي بحق شيْـوخ الجهامـه
يارويل انـا مانـي بعيـل ومسكيـن= ولانـي بليـد ولا قلـيّـل فهـامـه
انا الحصـان اللـي سبـق بالمياديـن= وان طاح قوموا لـه ويثبـت قيامـه
اخطيت انا واسوق عذري من الحيـن = واردده حـتـى نـهـار القـيـامـه
والرجل لاخطى يعتذر مابهـا شيـن= ولا تلحقونـه باعـتـذاره مـلامـه
العـذر منـي لـرجـال الموامـيـن= وليـا قبلـوه يعـد منهـم شهـامـه
هذا اعتذاري حب رووس الشعاليـن= وعيونهـم وخشومهـم فـي نـدامـه
من كلمةً شينـه وانـا مانـي بشيـن= ولانـي بقاصدهـا ولكـن غشـامـه
غشامـةٍ فـي معرفـة ليـه ومنيـن= اللـي وجـوده صـورةٍ لاانعـدامـه
والريح ما هـزت ثبـات الضلاعيـن= والراس ما عيبـه جـرح الحجامـه
قولوا جهل قولـوا محابـل شياطيـن= ولا تقـولـون المـذمـه مـرامـه
انا بشر يخطي مـن الحيـن للحيـن= ولانـي نبيـا حصـن الله كـلامـه
يا تاج راسي يا مـلاذي عـن البيـن= يا درع جنبي يـا مكـارب حزامـه
من سبكم عساه يعطى عمـى العيـن= ياللـي غديتـوا للزعامـه عـلامـه
يا اهل الزعامه يـا كعـام المعاديـن= مبطي والى هالحيـن كفـو للزعامـه
مـا دام عيّلكـم لا وصـل عامـيـن= يبـداء علـى دم النشامـا فطـامـه
وليا وصل عمره وقم عشـرة سنيـن= نوخه له المجد ورقـى فـي سنامـه
يوم الهلامه حمـل بعـض النساويـن= بطن الرويليـه مـا حمْـل الهلامـه
تسع روله يكفـون فـي رد تسعيـن= واللـي مكذبنـي يجـرد. حسـامـه
رويل رمح المـوت مافيـه تخميـن= اهل السطر واهل الفخـر والفخامـه
من ضدهم بالحـرب ياسيـن ياسيـن= ان ما نشف ريقـه تراعـد عظامـه
رووس العدا مجدوعه ايسار وايميـن = والنصر بيّـن رفرفـي يـا حمامـه
وليا حدروا من نقره الجوف عجليـن= تهابهـم نجـد وتـراجـف تهـامـه
هيباتهـم عمـت جميـع البـلاديـن= وصاروا على خد البطـولات شامـه
حمايـه العليـا سعـوط المجانـيـن = مشربيـن الضـد كــاس النـدامـه
يتلون ابن شعـلان نسـل السلاطيـن = وما للعظـام الا عـروش العظامـه
صعبيـن للعايـل وللجـار سهلـيـن = والمحتـرم معهـم يزيـد احترامـه
عندي زعلهم مثـل فـوح البراكيـن = وعندي رضاهم مثل طـش الغمامـه
ربعي واحامي دونهم وافتخـر ويـن = ما ذكـروا وقالـوا ونعـم وكرامـه
اي والله ونعـم وكرامـه ونعمـيـن = وقولـه نعـم نقيـض قولـة نعامـه
ربعي وانا معهم على العسر والليـن = وانا عـدو مـن سبهـم فـي كلامـه
من دونهم يا زيـن قطـع الشراييـن = ومن دونهم يا زيـن طـش العمامـه
صحيح ماهو صوت شاعـر وبيتيـن = وعلي مـن يمنـاي مابـي رخامـه
ادفع رضاهم كاش ولا ادفعـه ديـن= ولا لي طمـوح بضحكتـاً وابتسامـه
طموحي اشوف الشعاليـن راضيـن= واصغر رويلـي يحتوينـي سلامـه
ما فيه اقسى من جفا الربـع الادنيـن = ولا فيه اشد مـن العتـب والملامـه
بينت مـا عنـدي وجبـت البراهيـن = انـي بـري مـن النـذل واتهـامـه
كلي امل ينسى الخطاء والزعل ليـن = تسلى القلـوب وترتفـع كـل هامـه
واحرق قلـوب الحاسديـن المغليـن = اهـل الفتـن والنمنمـه والنمـامـه
وارجع واقول اخطيت من خاطرا زين = والعذر امامي والا انـا مـن امامـه
وهـذا اعتـذاري لرجـال المسميـن = واذا اقبلـواه يعـد منهـم شهـامـه