فكري كما الطير لامن جاع هديته =يلقى مراده اذا انه اشرف العالي
حتى النظر ياغشيمه فوق مديته=ماني امطالع صقيط القوم والتالي
انا شموخي امخاويني وخاويته=ماني ابسامع بلابل دايم اتلالي
فوّحت كيف المراجل ثم زليته=وشربت منها حوالي الف فنجالي
وعلى بياض النوايا قلبي اعطيته=وارخصت لجلك كثير بداخلي غالي
بيحت سري عليك وعنك ما اخفيته=اثريك تلعب على الحبلين يا الخالي
كلامك اللي تقوله بذني اوحيته=هذي حقيقه عليها خابت امالي
واللي سمعلك اكيد بنخرب بيته= عندي دلايل وتثبت صحة اقوالي
خلك مع اللي مع الجرات جريته=هذاك يقبل بقايا لوبها تالي
وانا حسابي مع الايام صفيته=ماطرد حلومي واشيل اللي على بالي
09/02/11, (11:04 AM)
انا شموخي امخاويني وخاويته
العرض الشجري