من راس عود يغازل الشاذليه

[عبيد الله مهل الشملاني]

أخواني واخواتي أعضاء وزوار شبكة ويلان العربية إليكم هذه القصيده

وهي حصرياً لهذا المنتدى الشامخ بادارته واعضاؤه

مني تحية للإدارة وزوار = وجميع الأعضاء بمنتدى الوايليه
تحية الوالد بوليدة البار = من راس عود يغازل الشاذليه
مزعفر فنجالها مثل الأزهار = أزهار صفراء في دكاك برقيه
وقت الربيع اللي تقافت به أمطار = أرضه قفر عن الغنم والمطيه
من المنظر الخلاب تاقف وتحتار = نفحات ربي بالفياض العذيه
والمنتدى واللي دخل به لهم كار = القارحة والجهد مني هديه
للي بشاش النت بالليل سمار =الساهرة واللي بقوا سمهريه
يسطرون إبداع في ذوق وعيار = بعيد عن طرح الخزى والأذيه
مثل الذهب اليا لمس لهبة النار = مشاركات كلها جوهريه
نطقة دريل وفي معانية مسمار = والكهرباء عشرين واثنين ميه
باختار منها شي وشلون باختار =أبنسجم مع ذيك وارجع لذيه
الاعب الماوس من الطار للطار= واللوحة اللي روحت سمسميه
صارت عليها أصابعي تقل منقار= وتمسحت الأحرف الأبجديه
بس أتنقل من مقالات لاشعار = والالغاز تهدف بالمعاني غنيه
دق التوازن يازن السفن ببحار = الله وثم الدقة الهندسيه
واللي حسب بالساس تعداد الأدوار= المملكة برهان والفيصليه