هو فيه عاقل مايعرف منهو عقاب

[فاضي عبدالعزيز]

سميت بسم للي له الناس يرجون = الملك القدوس هو رب الارباب
للي نصر موسى على جند فرعون = بامر من للي بمرته تجر الاسباب
عصاه تلقف كل ما كان يلقون = حكمه وعبره تعتبر اولي اللباب
البادي اسمه قبل قولت يقولون = قبل القصيد ونقد قافي ولاعجاب
باسمه بديت وقلت والقاف مضمون = وخترت انا من نادر الشعر ماطاب
اجزال القوافي يوم ورداً على النون = لهن القلم من فوق الاوراق نداب
مثايل لهن هل العرف يصغون = وتقديري لاهل العرف شبن وشياب
شعري التشرف فيه معنا ومضمون = وخصاً اليوم بحفل زاكين الانساب
عند العواجي حي من كان يطرون = عبد الكريم اللي للامجاد كساب
هذا حفيد عقاب والشيخ سعدون = وعقاب اهم من الاسامي وللاقاب
مضى لدور عقاب ثلاثة اقرون = وذكر البطل باقي بالاذهان ماغاب
من غير تاريخ له الناس يقرون = في سيرته كم ولف كتاب وكتاب
كل العرب بعقاب وحجاب يدرون = ومافيه عاقل مايعرف منهو عقاب
عقاب العواجي يوم طاعن ومطعون = تقفي من صوته سبق الخيل هراب
كم ارتوى بمناه مرهف ومسنون = وكم اعتق ارقاب وكم خضع ارقاب
وياما ثناء من دون من يطلب العون = يثني من دونه وقت كلحات الانياب
ودليلها قولَ له الناس يوحون = والقول قول عقاب فكاك الانشاب
اثني عليها ولحق للي يخلون = وردها بوجيه عصمان الاشناب
هذ الفخر ماهو هقاوي ولاضنون = هذالفخر ماهو سواليف هزاب
واليوم ذكرعقاب وسيف والكون = والخيل والغزوات واشلف وحجاب
راحت قصص فيها الرجال يتسلون = يعدها الشايب ويطرب لها الشاب
حنا بفضل الله مثل ماتشوفون = امن وامان ولا مشاكل ولا انشاب
بفضل حكامٍ عساهم يدومون = لشعب غيث وللعدو سم وحراب
بفضل من للي قدرته كون الكون = القادر للي بقدرته تجر الاسباب
له الشكر والحمد والفضل ممنون = له الشكر والحمد في كل الاوجاب
على سلامت من له الناس يدعون = بكل مجتمع وبكل مسجد ومحراب
خادم الحرمين الشريفين مايهون = غيابه عن شعب يتضايق الياغاب
له با الدعاء بكل حزه يهتفون = والحمد للرحمن من واعكته طاب
والحمدلله جت على مايتمنون = طاب الملك وستبشرو كل الاحباب
ابطال شعبه للبشاير يسوقون = بشارةَ للي الخبر طيبته جاب
فرحه بقلوب الشعب غطت سماء الكون = رجل ومره ول ورع والطفل والشاب
ولي عهده بشدايد هو العون = وللي عوينه مثل سلطان ماخاب
هو الذراء للي بذراه يتذرون = عاش ابوخالد للوطن سور وحجاب
ونايف هو النايف على اللي ينوفون = حلياه حر وماكره راس مرقاب
به من صفات الحر واعلى مهي دون = عزه وكف وقو منكب ومخلاب
لهم ولانا داخل القلب مكنون = لو ذابت جبال السراوات ماذاب
عهد الجدود وفيه الاحفاد يوفون = ميراث من الاجداد للي بالاصلاب
في حكمهم رغد ولارزاق بالهون = وشف القبايل كلها احباب واقراب
حكام معاديهم بالاسلام ملعون = المنجرف من خلف تضليل ورهاب
ودون الوطن والحكم مافيه تكفون = دونه السيوف اللي يقصن الارقاب