عشت ياعبدالكريم

[عيادة العلي]

في ليلةٍ تميزت عن غيرها من الليالي في محافظة تيماء في ضيافة الشيخ عبدالكريم العواجي
في تاريخ 17\1\1432 تشرفت بألقاء هذه القصيده امام ذالك الجمع المتذوق للشعر والذي يستحق منا الابداع 00وكذلك الشكر والتقدير0
كما لايفوتني ان اشكر اسرة العقاب خاصه على حسن الضيافه والاستقبال وهذا ليس بغريب على احفاد عقاب العواجي0

بنت فكري خفرةٍ مياسةٍ مزيونه=ياكثر عشاقها لاطبت الميداني
طبعها تعين الكريم ولاترجاء عونه=ماتمد كفوفها ياغير للرحماني
شامخه متواضعه متمكنه مصيونه=تكتسي بالعز والاجلال والأيماني
تجتمع فيها سماتٍ صاحيه مجنونه=يندمج معها كبار القوم والصبياني
العدو منها يموت وينكفي ماعونه=من سطرها لا تغنت يرقص الشيطاني
والصحيح بيوت شعري شفرةٍ مسنونه=تأخذ الجزل الثمين ولاتحب الفاني
ابتدأ جزل القصيد وزان طرق لحونه=والجزيل من الكلام يرجح الميزاني
والمعاني فوق نجم سهيل ماهي دونه=يارجال الطيب والمعروف والاحساني
والرجل لولا فؤاده ماتفيد عيونه=يعني القلب السليم يقدي العمياني
ياوريث العز ياغيث الوفاء ومزونه=انت ياعبد الكريم مروض العدواني
انت من شال الحمول الباهضه بمتونه=عشت ياعبدالكريم ودمت يابليهانيِِ
يالكريم اللي رجال المعرفه ينصونه=والله انك عز قوماً يكرمون العاني
انت هداج المسمى والعرب يردونه=يالعواجي دام عزك والجميع خواني
والأمانه في يدين اهل الوفاء مأمونه=عاد مابالك الياصارت مع سليماني
ومة الويلان هي مجد العرب وركونه=والدليل الأمه اللي سايده ويلاني
هامةٍ تبغى تمس كيانها مدفونه=يكفي ان رجالها موتٍ حمر من داني
دون نقصاً في حقوق اهل الوفاء والمونه=لو بصدري يارجال الطيب علماً ثاني
العسل طعمه يبي يفرق عن الليمونه=مثل ماحنا نقول فلان غير فلاني
والصحيح نفوسنا لأهل الوفاء مديونه=لايقول الشاعر ان الشان ماهو شاني
وكلمة الطيب من لسانه تجي موزونه=والسعيد اللي تمكن قلبه الايماني