السلام عليكم ورحمة الله وبركاته
كل عام وانتم بخير اعضاء وزوار شبكة ويلان
نص متواضع اتمنى ان يرتقي لذائقتكم
.
.
.
.
.
.
نورت دنيايه وشرفت شعري=قصايدي غنت طرب يوم لقياك
شعري كتبته فيك منظوم حصري=يالعن ابوبيت الشعر كان مطراك
ياشاغلٍ عقلي وقلبي وفكري=جنيت لك حبٍ وجنيت لـ احكاك
حبك غذا للروح وادمان جبري=زحم غلا امي ف عروقٍ تمناك
متربعن بالقلب مافيه شبري=الا ملكته يالغلا وفيه ولاك
انت الهطول اللي روى منه زهري=باول ربيعه ذابلٍ هم لولاك
معك اكتمل عيدي مع انوار بدري=حظي تبسم يوم حطط بمرساك
الله واكبر ياغرامك بصدري=ماترجمه حرفي ولا حقه اوفاك
ليتك عن اشواقي والاحساس تدري=ماجاك ربعه واكثر الشوق يخفاك
ماعاد لي حيله على ملك صبري=اما تجيني ولا انا جيت لرضاك
عطني من ايامك وانا اعطيك عمري=يكفي ضياع ايام عمري بلياك
28/11/10, (04:29 PM)
عطــــــني من ايامــك
العرض الشجري