يا هاجسي لو تعتذر ما انت معذور إن ما كتبت الشعر في عز الاسلام - °~*¤®§(§ شبـــكة ويــلان العـربـيـه §)§®¤*~ˆ°

**فايز الفرحان** · 10/11/10, (01:25 PM)

يا هاجسي لو تعتذر ما انت معذور ..قصيدة للشاعر عبد الله العنزي
((يا هاجسي لو تعتذر ما انت معذور إن ما كتبت الشعر في عز الاسلام)) قصيدة للشاعر عبد الله غضيان المطردي العنزي بجلالة المغفور له الملك عبد العزيز بن عبد الرحمن آل سعود طيب الله ثراه

يا هاجسي لو تعتذر مـا انـت معـذور إن ما كتبت الشعر فـي عـز الاسـلام

عبد العزيـز اللـي بالأمجـاد مشهـور صقر الجزيرة يوم شامـت لهـا شـام

من دونها جاهد وصبـر علـى الجـور يا ما قضا علـى المعـادي والاخصـام

وخذ بهـا صـولات والفعـل مخبـور على الفرس وسلاحه الرمـح وحسـام

قاد الجيوش ورفـرف النصـر بالفـور وتوفيق رب البيـت يـوم السعـد قـام

وحكم بعدل وجهـد والشـرع دستـور وحــد قبائلـهـا ورفــن الأعــلام

وجلا الظلام وصار نـور علـى نـور وصار الأخصام أخوان بالدين وحشـام

وأصبح بلد ينعـم بالخيـرات وسـرور في حكم أخو نـوره ذراء كـل منظـام

من عقب ما هو سلب وغزوات وشرور ناساً بخيـر ونـاس عاشـت بالأوهـام

والرزق الأول صعب واليـوم ميسـور الحمـد لله وافــره كــل الأنـعـام

أمـن وأمـان وسـاده العلـم والشـور راح الجهل والفقـر مـع تلـك الأيـام

ويعل أبو تركـي لـه الذنـب مغفـور بجاه الولي اللـي لـه سجـود وصيـام