((( المــخــــوّه )))

[حمد الضوّي]

((( المــخــــوّه )))


..........إليكم هذه القصيده التي أرجو أن ترتقي إلى ذائقتكم ............

بعض المخوّه شرّ عنهـا توقفت= مالي بخوّه لي ولاشيّ ضافت
رجّال زفت أكيد له خوة ٍ زفت= وأهوايتي وهوايته ماتوافت
لياسلك درب ٍ عكسته وخالفت= لانه بما يفعل للانظار لافت
مالي بقربه شفّ من خوته عفت= والخاطر أصلا ًطاب والنفس عافت
ورجّال في خوة جنابه تشرّفت= وتوالفت بيض القلوب وتصافت
عونك لـيامـن في زمانك تكسّفـت= وعفتك من عسرات الايام عافت
والفكر حار ومن على الجرف هايفت= وسباع وقتك من حواليك حافت
لك ينتخي ويزيل خوفك لياخفت= وعن طيّب المضجع جنوبك تجافت
وخاويت رجّال وندمت وتحسّفت= حسبتها غلطه وعدت وطافت
غلطة عمر وانا عليها تأسفت= حسرة نتايجها للاضلاع لافت
خوّة ندم من تاليتها تخوّفت= بدت جميله وآخر الوقت هافت
ياصاحبٍ كثـّرت بالهرج واسرفت= بهياطك افعالك على الغير نافت
بغيابنا كم صغت من علم وألفت= وبحضورنا يصبح بك النور خافت
كنت اعتقد بانك عجلت وتزرهفت= مار الخطايا من تجاهك تقافت
ولياسألتك ليش روّجت وأرجفت= تناقضت منك العلوم وتنافت
ويلك ليامنك على الموت شارفت= ونفسك من الله ما استذلت وخافت
والموت جاك وبابيض الخام لحّفت= وكفّات وزنك ميلت ماتكافت
دام الخطاء جاء منك ولعينك اطرفت= ولا رفت بنفسك مابك الناس رافت
عليك ومثلك ليتني ماتعرّفت= عليل قلب وعلتك ماتشافت
اطلع درج وانا بفوتك على اللفت= ما دامها قامت علومك تهافت
انا الردى ماجزاه مهما تكلفت= نصعد سما لخلافنا مانلافت
روّح وكني ماسمعتك ولاشفت= لا اذن ٍ توحت لك ولاعين شافت
ماحد ٍ بجابرني على خوة الزفت= وش لي بخوه لي ولاشيّ ضافت

"" وسلامة الجميع ""