انجن بك واعشقك واتنفس هواك

[معيض بن عريفج]

نوب(ن) توديني الى كوكب زحل فوق السحااااب = ونوووووووب تنزلني الى الأرض وتحفر القبر
ياروح روحي لاتعذبني ترا مااقوى العذااااب = والمشكله تدري وش اللي صااااااارلي عندك خبر
انجن بك واعشقك واتنفس هواك المستطاااااب = واموت بك واحيء معك وامن معك وانت الخطر
واسلا معك وابكي عليك ان كان طولت الغياب = انت الغنااااااااة لقلبي وهجرك اشد من الفقر
غيبتك ليل(ن) غااااابت نجومه وغطاها الظباب = وطلتك لافاجأتني فيها تقل طلة بدر
وان قلت لي لبيه طششششت وزال كل الاكتئاب = وكل الذنوب اللي لك اول في ثواني تنغفر
ومملوح ونادرفي صفاتك من عزيزين الجناب = تستاهل الاخلاص والتقدير يالظبي العفر
انا اشهد ان قلبي ثقيل اثقل من ثقال الهضاب = وابعد من نجوم السماء واشــد من عمق البحر
مير انت زلزلت الخفوق بدون ماتلقي خطاب = وانا اقتنعت بدون حرب انك علي المنتصر
والان سلمتك رقبتن مانزلت تحت الرقاب = تلعب بقلبي لعبة الارياح بغصون الشجر
مدري سحر مدري غلا مدري هوى مدري اعجاب = مير الوكاد ان قلت ليه انتحر غير انتحر
قلبي معك مسجون فيك ودونه اقفلت الف باب = وممنوع حتى من الزيارة والتجول والسفر
وانتي بقلبي مرحبا على المعزة والرحاب = وان جيت ابي اشرد منك كيف اشرد وانا مالي مفر
اصبحتي فجأه انتي الرئيس ومن غير انتخاب = واصبحت انا المملوك لك ضمن الرئاسه والقصر
ابي دفا ابي ذرا اريد قوت ابي شراب = وانا دفاك ان صارت الاجواء اقل من الصفر
واصير كونٍ يحتويك ولك سما وارض خصاب = واصير لك ورد ونسيم الصبح وغيوم ومطر
وان جاتك الغيره علي انا اشد من الغراب = احسد حتى كحلك وروج(ن)على شفاتك حمر
وان كنت تشكي من غرامي وانك بحبي مصاب = ترى نصيب الانثيين يصير من حظ الذكر
مير المصيبه كان صرت اطرد ورى شكل السراب = ماارتحت منك ولارويت اكيد اموت من القهر
وكانك تولعني وتتركني فــ من سبع العجاب = اقول عادي صابني عدوى من جنوووون البقر
ثم التمس لي عذر لوهو كذب من ضمن الكذاب = ثم اقتنع واقول ان الحمدلله والشكر
وحنا خلقنا من التراب وثم نرجع للتراب = واخر مصير الادمي يسكن بمترين بمتر