ما ذبحني كلام الغيد والسلهمة

[أحمد العواد]

ما ذبحني كلام الغيد والسلهمة=وماجرحني زعل ليلى ولا صابرين
فيه شي بقلبي ما قدرت افهمه=ان فهمته نسيته وان تذكرت زين
يوم شفت العظام وشفت باق لحمة =كن بالقلب رمح وطعن من خنجرين
شفت يده وراسة شفت باقي فمه=شفت نظرة عيونه في بهن دمعتين
قال انا فداك يختي ياختي المسلمة=وقبل ما يمشي بدربة ركع ركعتين
الوفا والشجاعة والكرامة سمه=وانتي وش الوصوف اللي بها توصفين
نايمه صاحية والعلم متعلمة=بس مهما تعلمتيه ما تفهمين
الصغير الصغير اللي يبي نفهمه=صار يفهم ويصرخ كلنا خايفين
قال مليار مسلم مافي احد فهمة=قال مليار ردو كلهم مسلمين
الحكاية ترا ما ودها ترجمة=واضحه ما تبي تحليل ومحللين
قالو الناس هذا طفل وش فهمه =قال فهمني اللي صار داخل جنين
كنهم خيل بالميدان وملجمة=يصرح القدس وينادي وهم ساكتين
وين طارق وخالد شف صلاح ازهمة=يمكن يكون بين العالم الجالسين