العالم المجهول //سليمان المانع

[غموض الشمال]

العالم المجهول....!!

العالم المجهول وش دخلك فيه=ردي ترى ماني للاشواق تمثال
دامي بقايا انسان ليه اشتريتيه=ودامي طفل من علمك عشق الاطفال
لا تخجليني في كلام المشاريه=ولاتقلتيني بالمواعظ والامثال
انا الجنون بروعته وبمباديه=يشقيك درب معاندي كل ما طال
وانا الذي لو عذبك مافهمتيه=عشت اغتراب الحب شاعر ورحال
قولي خيالي ياخيالي واقول ايه=طبعي قبل لاعرف طريقك ولا ازال
اما اهجري ليل الغرام ومساريه=والا اقبليني مثل ماني بهالحال
قلبي عذاب مصارع الوقت يكفيه=وبعض الحكي ما بيننا عيب ينقال

للشاعر/ سليمان المانع