وصلك يخيط الصدر والبعد يفريه "قمة الابداع"

[احمد الضوي]

قصيدة للمبدع دائمآ الشاعر محمد ابن فطيس روعه
اعجتني كثيرآ وحبيت اضعها امامكم.......



ماهو بكفو الوقت حبك يمحيه
.... ياللي تخاف صـــروف الايـام تمــحاه
ارتاح دام ان المواصل يقويه
....انت انـــت وانا انــــا وقلبي هو ايـــــاه
حتى ولو بتغيب ذكراك تكفيه
.... ياواحد(ن) تــكفي عن الناس ذكــــراه
حبك على رملة خفوقي مواطيه
.... ورياح عذلي عنـــك ماتـــمـــسح خـطاه
واللي يعذل القلب عن درب غاليه
.... الله بــــــــما يبلا الـــمواليــف يـــبــلاه
اخفيه يابا الفيت والحال يبديه
.... ادنـات واحـــــد ينظر الحــــــال يــــــقراه
مخفيه فيه ومعتن(ن) به وحاميه
.... عن كل عين(ن) ودها تنـــزل حمـــــــاه
قلب(ن) يحبك والهوى الذرب ماليه
.... كـانــــك مــــــكذبني بعيــــنك تحـــــــــلااه
شرط ان تشوفك فيه مانت بحواليه
.... ويمـــكن تشــــوف ديار وامـــاكن رعـــــاه
وتشوف به تمثال والوقت هاريه
.... وبتشوف زرع(ن) ميت وواقف(ن) ماه
وبتشوف جرح(ن) فيه سكين راعيه
.... راح ونسى الســــكين والجرح ينــــــخاه
وبتشوف حصن(ن) عج الاقدار سافيه
.... وبتشـــــوف باقي بيت راعــــيه خــــلاه
لاتنزعج هذا خفوقي وباقيه
.... ولاتـــضــايق مــــن تصـــدع زوايـــــاه
قد زلزله فرقى وهزت عراويه
.... والله ستر والحـــــظ عــــانه وعافـــــاه
وكانه صلح لك واعجبك زيد تبنيه
.... ابـــــنه وجــــهز للمقابــــــيل مبـــــناه
ابغيك بس من المفارق تداريه
.... وازهل مـــن يداري شــــعورك ويـــدراه
وحلل وحرم فيه يا ابرك بلاويه
.... وحله وراع ارضــاي وارضاك وارضــاه
جعلك بعد بعض الوجيه امحق اوجيه
.... ناس(ن) مراتعــــها الرفيــــق بتقـــفاه
انواع واخطر نوع ماني بناسيه
.... نوع(ن) على تفريـــق الاثنيــن مسعاه
تلقاه دوم وكل يوم(ن) تلاقيه
.... واليا بغـــــيته صدق ماعـــــاد تلـــــــقاه
ولا انت ردك كل ماادعيك لبيه
.... انا اشـــــــهد ان منتو في عـــيني اشباه
ما انت بمع العالم ولاتقول لي ليه
..... انت ادرى مني وش جـــوابي وفـــحواه
كذيه ومن الله يازين واليه
..... واغلى طروش القلــــب وادواه من داه
الحلم ياتيني بزولك واراعيه
.... وفي كل حلـــــــم اقوم قــــبل اتحــــفاه
واعشق سميك فالبزارين وادعيه
.... واقبل خـــــــطاه لياخـــــطا واتلقـــــاه
واسمك يروعني اليامر طاريه
.... واحب ملقوف(ن) يســــولف وطراه
وامر بيتك من بعيد(ن) ولا اجيه
.... وانا لو انــــه في يــــدي ماتعـــــداه
حتى تواير موتري تلتفت فيه
.... تبغي تلف ويستحي العقل والجاه
وصلك يخيط الصدر والبعد يفريه
.... ويبري حالي كان صديت برياه
ويلي على ادري حبنا ويش تاليه
.... ويلي على ادري وش وراء الغيم ويلاه
عشان اشوف اذا محبتك ترفيه
.... والله لا اقفي عنك "استغفر الله"


صح لسان ابن فطيس