الــعيـــد عـــــاد ،،،،

[المسيكي]

السلام عليكم ورحمة الله

احييكم جميعا اخواني الكرام

واهدي لكم هذه القصيدة


واعذرونا عن القصور

ولو الادارة يتكرمون ويشيلون شاعر هاللي تحت اسمي تراه ازين

ماحنا شعار ولا حنا حوله

العيد عاد وكنّه العيد ماعاد =ولو عاد عيدي ماتهنّيت بالعيد
الناس تفرح واتهنّا بالأعياد = وانا الذي عيده غداله تناكيد
وشلون أهنا وخلي اليوم منحاد = بيني وبينه نازحات السماهيد
حتى مطاريش الرسايل والاطراد =ماتاصله ومن دونه اليوم تجهيد
لا يا وجودي وجد من راح ورّاد = ادلى دليّه والرشا به تعاقيد
دلوه متحها وأفلت الحبل ماجاد =يبي يتغانم وانتلنّه المعاويد
هف واتهلفا بطيّة البير مافاد = عزي لحاله والزمن به ملاكيد
على الذي زوّد لي النار باوقاد = نار ٍ لهبها قدّد القلب تقديد
غرو ٍ فتنّي وبدّل القرب بابعاد = وخلا جروح ٍجايحه بالحشا تزيد
اسمه ثلاث ٍ بين همس ٍ ومرقاد = عرفته انا بديار ربعي ضنا عبيد
يشادي لميع البرق تلقاه مداد = ما ينقصر ما بين لذّاع وامسيد
شفته تركني وابعد اليوم بعماد = وبقيت أنا في صحصح ٍ في ثرى البيد
في موقع ٍ جذّاب يبدي لي (اوفاد)= أقفى صحيبي قاطع ٍ للجراهيد
وشبيت ناري وليلي اليوم سرماد = وعيني قزاها بالعدد كل تعديد
وجلست انا وصلحت دله وبراد = بصفر الدلال المهدفات البغاديد
قلت اتحرى وانتظر كل ميعاد = يمكن يعوّد خلي اليوم وايعيد
ان عاد عدت وتنطفي نار الالهاد =وان راح رحنا واللقا به تباديد
من عافنا عفناه ونقول وش عاد = وش عاد لو (هو )زاهي اللون والجيد
نحسبه دفينن مستقرّ ٍ بالالحاد = وطرد المقفي مالنا به تجاويد
الحر حر ومرقبه باعلى الاطواد =وحنا رقينا شامخ ٍ مرتفع حيد

فهد المسيكي

وسلامتكم