الهوا مرسال

[فاضي عبدالعزيز]

ياقلم سجل للي جديد الرسالة**=** ورسل بها تكفى هبوب الهوا إلهاب
عسى الهوا بيه يسوي جماله**=**يعاد ماليه من الربع نداب
يودي سلامي ثم يحظر بداله**=**من نور عيني سيد تلعات الرقاب
أصاحب اللي ماحصلي قبالة**=**من دون شوفه حدني عدة أسباب
أخاف من هرجه خطاة الحثالة**=**يلدغ ألسانه بالخفى ألدغت الدأب
وقصرت رجلي عن حبيب(ن)صفاله**=**سيد البنات اللي زها حلو الأسلاب
إن شفت زوله طاب فالي وفاله**=**ون غاب عني نور عيني عنه غاب
اللي خذا قلبي ادلعه ودلاله**=**للقلب نهاب(ن)وللعقل سلاب
وجدي عليها وجد راعي الزمالة**=**طرقي غريب ومر بديار الأجناب
وخطا أطريق وراح يمشي الحالة**=**برض(ن)خلا صحصاح بيدا وسرداب
وباقي في ألقربه توالي ابلاله**=**شربه أمبقيها أليا كلحت الناب
ثم اشتبه بثر ذهيبن غداله**=**وحول يشوفه دون تفكير وحساب
وجاضة ذلوله يوم حظه طواله**=**وراحت تلاحق ولوطا تقل مشهاب
ويركض ورآها ولأتقطع أماله**=**لين اتقت عن ناضرة ولأمل غاب
ماجاه جاني حالتي مثل حاله**=**وقلبي مثل قلبه من الوجد منصاب