مرثية الشيخ - صالح بن محمد العنزي - °~*¤®§(§ شبـــكة ويــلان العـربـيـه §)§®¤*~ˆ°

**خلف سليمان البجيدي** · 26/10/05, (10:32 PM)

هذه المرثية في وفاة الشيخ
صالح بن محمد بن سالم بن جزا بن صقر العنيزي البجيدي
الذي وافته المنيه مع أحد أبنائه في واحد رمضان 1426 هـ
أسكنه الله وأبنه فسيح جناته وألهم ذويه الصبر والسلوان
.
.
.

ليل ٍ على الشملي ما اطول عذابه = يا شين ساعاته ويا شين طاريه
يا موت وش خليتلي من قرابه = يالله بوجهك زايد الهم تجليه
ما عاد باقي للعنيزي مهابه = من يوم صالح واجه الرب يا هيه
أدري وأعرف الموت ما به غرابه = لا شك بعض الخلق ودّك يخليه
راح الذي بالمرجله ينهقابه = وكل العلوم الغانمه في مواريه
صالح عريب الجد كل ٍ درابه = يا قلت أبو خالد ما احد جاهل ٍ فيه
يالله طلبتك يا سريع الإجابه = يا سامع الدعوه ويا مجيب داعيه
عبدك دعاك ولا تخيّب ثوابه = يا واحد ٍ كل المخاليق ترجيه
ترحم شريف ٍ والردى ما مشابه = في رحمتك من لاهب النار تنجيه
رجل ٍ عن الناموس ما صك بابه = ومهما كتبت وقلت ماني موفيّه
أقولها وعيال صالح ذيابه = خالد وفايز فيهم الخير هاقيه
ومحمد عوضنا بوالده بالنيابه = وصقر على إسمه يوم صالح مسميه

.
.
.
إنا لله وإنا إليه راجعون