من فرائد الشاعر ( ميران الكوح البدري العنزي)

[مشاري بن فالح]

السلام عليكم
اقدم لكم احدى فرائــد الشاعر والناقد والاديب ( ميران المسير الكوح البدري )


" ثـــورة الشــعـّــار "

واتمنى من كل الذي يمر من هنا .... ان يعي ماقاله شاعرنا الكبير ....
فريده تستحق الاشاده وكلنا نفخر بهـــا ........

يقـــول الشاعر ميران وهو يروي مايجول في جعبتــــه :-

الشاعر والفارس هايس بن مجلاد
يقول:

قم سوماجمد علـى الصيـن ياذيـاب
بـدلال يشـدن البطـاط المحاديـب

ويقول
دغيم الضلماوي الشلاقي الشمري


ياكليب شب النار ياكليـب شبـه

عليك شبة والحطب لـك يجابـي

هنا وفي عصر التطور والعولمة والانفتاح والفوضوية اتساءل مالذي يجعل كليب مطيعا لامر الضلماوي وذياب لامر هايس

فاستحضرتهما وانصحهما

واقول :-


الا يالله يـاربٍ رحـيـم ٍ والــي الاقــدار
................. خطاوينا علـى درب السـراط انـك تسددهـا

توكلنا علـى حـي ٍ عليـم ٍ عالـم الاسـرار
................ وانا نفسي على قول الكـلام الحـق معودهـا


بعد هذا ابا اسوق الكلام الحـر الـى الاحـرار
................... وانا عنـد الكـلام الا عهـد منـي معاهدهـا

عليم الله لاكتبها واداعـب هاجـس السمـار
............... وابا انظمها على بحري وابـي منهـو ينقدهـا


لانـي بـاول الدنيـا ولانـي باخـر الشعـار
....................... ميـر انّـا تعلمنـا مـن قـروم ٍ بدايـدهـا


درسنا في مجالسهم هل الطولات واهل الكـار
................ لهم بيض العلـوم..الا لهـم شمّـخ اماجدهـا


وابا اردد الا ياكليب الا ياكليـب شـب النـار
.................. الا ياكليـب شـب النـار للمليـون ارددهـا


الا قم عمر الفنجـال هيـل وبـن ٍ ومسمـار
................. الا يذيـاب قـم عـده مـن دلال ٍ مقنـدهـا


الا ياذيـاب قـم عـده الا ياذيـاب لا تحتـار
................. لا تحتـار فـي نـاسٍ مكبرتـن مسانـدهـا


اجل ما تدري انـه قـد تبـدل هالزمـان ودار
............. خـلاص ايامكـم يذيـاب لا يمكـن تجددهـا


امانه انك تخبر كليب مايدري عن اللي صـار
............ واذا انه ما يجامل ميـر والله انـه مسودهـا


حذاري لا يقول شبدل التحرير الـى استعمـار
............ ترا كلـه هـدف واحـد مبينتـن مشاهدهـا



تعودنا على عكـس الحـدث ونسايـر التيـار
.......... مـع هالخيـل ياشقرامـع هالخيـل نلكدهـا


ولا كنّا هل الضيف وهل السيف الحـدب بتـار
................... تورثـنـا تـوريـخ ٍقديمـاتـن عوايـدهـا


تصنعنـا ثقافاتـن ثقافـة عـازف المزمـار
............. وكلّـن جرتـه راحـت ولا منـه مجـودهـا


تفرقنـا ولكنـا يجمعـنـا دفـيـف الـطـار
.......... وتباكينـا علـى منهـو سلامتنـا مهـددهـا


وصرنا مانميز من صديـق ولا عـدو وجـار
.......... ولا به فرق مابيـن الحمامـة مـن مهندهـا



تعولمنا وصار الحل سلمـي ونتناسـا الثـار
.......... ولا كنّه صـلاح الديـن طهرهـا مساجدهـا


ولا هاني ابن مسعود انتخى لعيون اهل ذي قار
..........حدر في جموع اللـي تعشـى فـي ثنايدهـا


ولا سيف الله المسلول خالـد حـارب الكفـار
...............روى فيهم ظمى سيـف اليـن ارتـد مرتدهـا


حقيقة ليه نخفيها وهـل يوجـد بعـد اسـرار
..............نبي الوحدة.. ولا وحدة.متـى ياتـي موحدهـا



توهمنا انتوحد في الامانـي والامانـي كثـار
............... والا ياكثر ماضاعـت امانـي فـي وسايدهـا



تمذهبنا بمذاهب لين سرنـا لاهـدف وافكـار
.............. وطعنا في بعضنا ليـن دس مـا دس حاقدهـا



تحزبنا الى انه صـار عـداء وكـره للابـرار
.................. وهل يعقل بـأن نـزرع ولا نجنـي فوايدهـا



وهل يخفى على اثنين ثاني اثنين اذ في الغار؟
............... الا يكفي على الصدّيق كنيـه مـن محمدهـا



سقا لله نصرة الفاروق فرق بين نـور ونـار
........................ الا يالله عـززنـا وعـززبــه وخـلـدهـا



ومن اربح تجارة مـن ذو النوريـن ياتجـار
........... وهل يوجد كما عثمان في مصحـف موحدهـا



سلام الله على منهو شطر مرحـب بذوالفقـار
................... الا يعقـل وذو الفقـار كفـه مـا يعانـدهـا



سلام الله على الاربع صلاة وذكـر واستغفـار
............ سلام الله عليهم حيث مـا ضحـو رشايدهـا



بهم قد ثبت الاسلام حظيظ ٍ في نهجهـم سـار
............ على الدين الحنيف وسنتـن كانـو سنايدهـا




اذن ياكليب لوتبكي وتهل من الدمـوع امطـار
................. ولـوّك تنتخـي ياذيـاب الا ياذيـاب وردهـا



خلاص وفي النهاية اقول سقى الله ثورة الشعار
......... سقى الله عبرتن وسط الخفوق وبيحت سدهـا




*******

لشاعر : ميران المسير الكـوح ( ابو عبدالله )


:

: