حيـــــــا على الجنه وذوقوا شهدها - °~*¤®§(§ شبـــكة ويــلان العـربـيـه §)§®¤*~ˆ°

**حمد الوايلي** · 08/12/09, (09:02 PM)

السلام عليكم ورحمة الله وبركاته
كل عام وانتم بخير
اقدم لكم هذه المشاركه المتواضعه واتمنى ان ترتقي لذائقتكم

الوقت هذا ياعرب موقف الجد=فيه الكوارث زايده في عددها
اما نتكاتف بالمصاعب على يد=والا تطيح بيوتنا مع عمدها
رحمتك ياربي على موقف اشتد=واحم العباد الآمنه في بلدها
صحت خلايا نائمه جالها مد=من طائفه ثارت بثورة حسدها
دستورها التزييف مع شرع مرتد=تخفي مظاهر كفرها في زهدها
تخللت في وسطنا تظهر الود=والله فضحها قبل تكمل اعددها
تبي تحول كعبة الدين مشهد=وعلى خراب الدين تبذل جهدها
لها خطط ترسم على منيت الغد=تنظر لماضي فرسها في وعدها
اما تجيها نصرة الدين في رد=والا يروح العز في كف يدها
يادرانا نفداك بالروح لابد=ونحمي الديار امن العدو لاهجدها
حنا وقفنا صف في صف كالسد=ومن يبتغي القمه بجدها وجدها
ابطالنا على العدى يومها اسود=تحطب اعداها وتوتقد من وقدها
لاجل الوطن بافعالنا نصد ونصد=لاجل الوطن تنعم بوافررغدها
ياابطالنا يلي صمدتو على الحد=حيا على الجنه وذوقو شهدها
خلو عدو الدين والعرب ينلد=الحر ماتت صيدته لاطردها
الحرب تبغى ارجال والفوز ينعد=والجنه الجنه لمن هو وردها