معاناة الكسير *

[سعد النفج]

ارجو أن ترتقي لذائقتكم ..

إسمع جديد الشعر يا صاحب الوجه المنير=يا فتنة الناظر و لا لك مع العالم سمي
غيرتني يا اول حكاية غرامي و الأخير=و خليتني خاتم و لكن على شكل آدمي
من بعدها وشلون عني تروح و تستدير=و لا لقيت بساحتي غير طيبي و كرمي
عطني سبب مادام لك قلب ولسان وضمير=اليا متى وانا لك اتْعِب قصيدي و قدمي
علقتني ما بين حلمك و واقعك المرير=وجه الحقيقه كيف دونك يغطيه وهَمي
الجرم كيف القاه يطغى على قلب الصغير=و اهل النظر عاشت ظلام الزمن مع العِمي
حتى الغني شفته يصارع معاناة الفقير=و الوادي الساكن .. من الفوضويه محتمي
و انا على دفن الشهيق و على نبش الزفير= اضيق لين الدمع ينزل و يفزع لنسمي
انسى جروحي لين تجتاحني نسمة عبير=و اذكر رحيلك و اسحب اوراق شعري و قلمي
اكتب حروفي بين ظل المشاعر و الهجير=يمكن تحس ليا تذكرت دمي و لحمي
واذا أمرك الله تحس بمعاناة الكسير=تعال .. تلقاني على درب عشقك مرتمي