من كل قلبي ياحياتي أنا أغليك

[صالح المزيني]

بسم الله الرحمن الرحيم

السلام عليكم ورحمة الله وبركاته

اليكم هذه المتواضعة اتمنى أن تنال استحسانكم ( ارائكم ونقدكم يهمني )

من كل قلبي ياحياتي أنا أغليك=ومن بد خلق الله تراك أنت غالي
أنت اللي بقلبي تشيد مبانيك=ماغيركم بالقلب شخصٍ طرالي
أنت الذهب وأصل الذهب مختلط فيك=حبك بوسط القلب حبٍ خيالي
الزين كله دايرٍ من حواليــك=يابعد عماني وباقي خوالي
ياغلى من الدنيا ومن كان يغليك=وأغلى من أغلى غاليٍ في حلالي
اهرج نبي نسكت على شأن نوحيك=ترى صدى صوتك جواب لسؤالي
تراي أصوت مقصدي بس أناديك=تعبت أردد قولتي لـك تعالي
ابيك أنا عندي وإذا غبت مابيك=تبطي علي وتروح عني ياغالي
أنا حياتي كلها بين أياديك=إن رحت حالي قربت لزوالي
لو تطلب عيوني يمين إني أعطيك=كل ماتبي ياسيد سيد الجمالي
ابسألك قلي من اللي يجاريك=بوصافك اللي بين زين ودلالي
الله يحفظك من عدون يعاديك=والله يحفظك عن دروب الميالي

وسلامتكم

صالح المزيني
أبو فهد