يالله ياللي في رجاك العبد لايمكن يخيب

[الخاطر]

المشاركة الأصلية كتبت بواسطة مرزوق نومان

يالله ياللي في رجاك العبد لايمكن يخيب=ياوحدن مركع ولا اسجد غير لك ياذا الجلال
يالله تجعل لي مع اهل الطيب بالطيب نصيب=ياحي ياقيوم يامرسي شواهيق الجبال
والبارحه في زحمة الافكاروالليل الرهيب=والهاجس اللي جابته تطويه صفحات الخيال
قمت اشتري وابيع بالافكاروودي واجيب=والقول غير الفعل والدنيا نهايتها الزوال
والهاجس اللي مرني ماهو على مثلي غريب=كم مرتن غنيت له بين الطرب والانفعال
دايم مرافقني وهو في قلبي اقرب من قريب=حبيته وسميته المحبوب والسهل المحال
والشعردايم من صفات الطيب للعقل اللبيب=ولاهوبشي سهل شي بالسهوله ماينال
والشمس تشرق شرق لاكن تتجه غرب وتغيب=والصبح ترجع والاجابه نفسها نفس السؤال
والليل رقم انه بتفكيري مثل عقل الاديب=لولا نجومه والقمرمافيه شي من الجمال
والفقر عمره لايهين ولايدين ولايعيب=لاكن على ماقالت الامثال هو ذيب الرجال
والشرع ماحلل دمانا للمخرب والكئيب=والخاسي اللي مايميزبالحرام من الحلال
وجروحنابالوقت مهما طالت المده تطيب=الاثلاث جروح مابين المحاني لاتزال
لايمكن انساها ولايمكن يعالجها طبيب=ولاظنها ترحل وتتركني ولافيه احتمال
الاوله سبت رسول الله وهوماهوسبيب=اطهر بشر وازكى بشرمافيه شك ولاجدال
والثانيه خبث الخبيث النذل ملعون الصليب=يضيق صدري كل ماجابو لما سوى مجال
والثالثه منها يشيب الراس قدام المشيب=ليه اختطاف الطفله اللي ماوراها راس مال
دنيا العجب ياكثرمافيها من الشي العجيب=دنيا تغر الجاهل وترميه في درب الظلال
وبن ادم المسكين مره يخطي ومره يصيب= ولافيه شي الا ولحقه نص لله الكمال

[/poem]

الله الله الله.
الله عليك يامرزوق.
نص جزل نص راقي نص رائع بكل معاني هالكلمه.
ابدعت اخوي مرزوق كعادتك.
شعر وشعور وجزاله ومرزوق حضروا جميعا فهميءا لنا بالشعر.
كل مافي هذا النص اعجبني بلا استثناء.
بابي وامي يارسول الله.
صح لسانك ملايين ودمت بهذا الابداع.
اخوك محمد العنزي.