ثقـــــــــــــافة غــرب؟؟؟

[الخاطر]

المشاركة الأصلية كتبت بواسطة طلال الايداء

يابنت لحظه بس ممكن تعيّدين

مطلبك صعب ولا يقوله لساني

قالت حضاره قلت ياربي تعين
وش هالحضارة اللي تعري المباني

قالت تفتح قلت ناس" مساكين
عاشوا ثقأفة غرب بأسلوب ثاني

انا بدوي وتحكمه لابه ودين
عندي مبادي والسلوم تحماني

ماخاوي الا رجال طيب وميامين
اللي لهم بالجود عز ومعاني

اذا كشخت وطّرت لدبي يومين
وارجع وانا طفران كلي يعاني

وانتي على لندن ومراات برلين
تستقبلك كل الدول والمواني

كذا رضينا بالبساطه قنوعين
احلامنا طيب وبراءة واماني

ماني مثل بعض الشباب السفيهين
اللي لهم بالجنز مجد وتفاني

سوى (كدش) ويحط (حمر الشفاتين)
والقابهم مابين (دودي وناني)

مايطلع الا كاشخ (وكاحل العين)
مافرقه مابين (نجلا واماني)

قولي (تخلف ) قد مانتي تقولين
ولاابقى مثل ناس"عثوا في زماني

اذا كذا عاجبك اهلا" وسهلين

واذا ماهو بعاجبك تلقين ((ثااااني))

الغالي والرائع والمبدع.
طلال الايداء.
كل عام وانت بالف مليون خير.ومن العايدن الفايزين.
شاعر مبدع ياطلال.نجم في سماء الشعر.
لك جمال مفردتك الخاصه.
صح لسانك ملايين والله يعطيك العافيه.
دمت مبدعا ودمت بكل الخير.
اخوك محمد العنزي.