الصقر لا ضاقت عليه البلد طار..

[برقن شلع]

يابوي انا والله على الهم صبار= باالهم سهران الليالي الطويله


ياما على قلبي تتالن الا فكار= لكن ما باليد يآبوي حيله


يابوي لاجلك كن قلبي على نار= واحس في جوفي سواة المليله


يابوي ما هذي محايل ومعذار= لكنها لوعات نفسا عليله


لاني بخيلٍ فارغ العقل ثرثار= ولاعادي مماشي الدروب الرذيله


المرجله يا بوي هذي لنا كار= وعاداتنا شيل الحمول الثقيله


لا طالبا عما" ولآ مرتجي جار= ولاغير رايي فالزمان التجي له


النذل لو تبغى منه ربع دينار= يشوفها صعبه و لوهي قليله


والله لامشي لو على درب الاخطار= واجيبها لو أنها مستحيله


الصقر لاضاقت عليه البلد طار =والحر نفسه ما تعود ذليله