يامن يطمني عنـه كيـف حالـه= يامن يخبرني عنـه ويـن دنيـاه
ودّي ادزّ لنور عيني رساله=ومقدر اخاف اني ليارسلتها ابلاه
فقدت صـوت حبيّبـي واتصالـه=وعجزت لاادله عن حبيبي ولاانساه
ليت الطؤاري لاطرالي طراله=في لحظة الطاري لياطريته اطراه
لي الشرف لو جيت ذكرى بباله=ولي الفخر لاصرت مرجع لذكراه
يالله عساه بخير والخير فاله=وعسى يتحقق مايبي وايتمناه
لايفكر اني عنـه سالـي ودالـه=وربي مامرّت ساعةِ دون طريـاه
من شال قلبي بعد مالقلب شالـه=راح وتركني لكـن القلـب ويـاه
مشتاق له شوقِ صعيب احتمالـه=ياكثر شوقي له وياشيـن فرقـاه
اي والله احبـه وكلـي حـلالـه=وحبيت حتى اسمه ورسمة وماطاه
وحبيت ابوه وجـد جـده وخالـه=حبيت من اقصى ربوعه ليا ادنـاه
لاني ببادي لـه ولا ابغـا بدالـه=اذوق غيرة مرّ والزيـن محـلاه
ادري مقدّر من عزيز(ن) جلاله = ومابه أمل شوفه وقربه ولاماه
وانّا نتلاقى من جديد استحاله = والله بغير الحلم مافرح ومالقاه
لكن هوا عاشق وزايد هباله = قام بشلافيح الحلوم ايتحرّاه
09/09/09, (11:11 PM)
يامن يطمني عنـه كيـف حالـه
العرض الشجري