أول النزف(شوف البصيرة وإمتحان الخيارات)!!

[ابراهيم خليف]

::

::
::

شوف البصيرة .. وإمتحان الخيارات =والحيره اللي ما لبـس لونهـا لـون
أخاف أصادفهم (قـدر) بالمحطـات=وأصد عن ذيك المحطات مغبـون !
لو رحت شفت أحياء في هيئة أموات=لو رحت شفت أموات فيني يعيشون
وشـكثر جادلت المواقف مع الـذات=سؤال : أكبر من إجابـات هالكـون
دام التواصل فـي جميـع الديانـات=حتى قبل عصر الديانـات مسنـون
لا بارك الله ..في سنيـن البدايـات=إن كان عمر الذاكرة بات مشحـون
لا بارك الله ..في ظروف النهايـات=إن كان قبل الخاتمة ما يصلـون !!
لا بارك الله .. بالحكي والعبـارات=الصمت في ذيك الحوارات مسكون؟؟
وحجم الفراغ إن صار كله مسافـات=يا ليتهم في خطـوة البعـد يدنـون
ما هو عشان المسألـه ..بالعلاقـات=لكن عشان اسبابهم : ليـه يقفـون!
ولا هو عشان العمر كله خسـارات=بس الخسارة قبل منـي يموتـون ؟؟
وتبقى المقالـة دايـرة بالفضـاءات=من حبها للريح ..ما مـرت عفـون
ما حز في نفسي مع العالـم أمـوات=إلا تشوف إنسان حي(ن) ومدفـون.

صادق تحياتي