ادم وحـــوى

[محمد المقبل]

أهدي لكم هذه النصيحة المتواضعة بمناسبة حلول شهر رمضان المبارك

يالله يالمعبود ياعالم الغيب=ياسامع الدعوات يارازق الذيب
ياجابر العثرات ياساتر العيب= يامثبت دينك على خمسة اركان
يامنزل بالأرض ادم وحوى=قلت اهبطوا هذ لهذا عدوى
في وادياً فيه الحياياتلوى= في قدرتك زينة تكوين الإنسان
وجعلت منها شعوب وايضاً قبائل= تكاثرت من بعد ماهي قلائل
للمعتبر وضحت كل الدلائل= أنت ألأله أبقدرتك كائناً كان
يارازق اللي بالمخابي مقيمه= ماله أمعيش ولابخلقه عظيمه
تعلم مكانه باليال البهيمه= صماً بكم ماتشوف رزقه بالأعيان
يسرت له رزقه وهي في مكانه=وفرقت بين الناس أبصمة بنانه
وعزيتنا يارب بأفضل ديانه=وحفظت ذكرك عن محرف وشيطان
أنت الولي ماغيريك بحق معبود=نعبدك ياالاله يسر لنا الكود
يالله يالمعبود من جودك انجود=أنك تثبتنا على درب ألأيمان
منزهاً عن من معك يشركوني=وعن كل فجاراً لهم يطلبوني
اللي لغيرك اشركو يعبدوني=أهل الظلال اللي عن الحق عميان
بديت بسمك في بداية قصيدي= أعظمك واشكرك واطلب مزيدي
حيثك كريم وقوتك ماتبيدي= لاشي مثلك ياولي عالي الشان
ومن بعد ذكر الله سطرت الأمثال= من فيض فكراً للجزيلات مد هال
أبيات شعراًفي معانيهن جزال =مهداه للي وقت الاخطار شجعان
أريد به تذكير للغافينا= حيث التذكر ينفع المؤموينا
أرجوعساها تعجب السامعينا= واللي سمعها يتعظ منه ويعان
يالادمي دنياك لاتنخدع به= غلطان من أغترفيه وثقبه
لياراح جيل الجيل الأخر لحقبه=ذي دورةالدنيا على طول الازمان
تراه مادامت لناسٍ عزيزين = الانبياء حماية الحق والدين
درات عليهم واطلعوا منه خالين= مادامت لرسول ربك سليمان
لوبه دوام لصفوة الخلق دامت= وعن الردي وعيال الانذال شامت
لاشك عن هذا وهذا تعامت= فيها ردي الباس واليث سيان
أريد أذكر من بها اليوم لاهي = يوم ضحكت له صارداله وساهي
تراه لوخيره لك اليوم راهي= لابد ماتوريك صده ونكران
ذاطبعها صعبٍ علينا نلومه= الله هو اللي صرف أحداث يومه
ومن لامها غلطان والله يلومه = واللي بعد مايعتبر فيه غلطان
يالأدمي فكر باللي قبلك أسياد= اللي بنوا واستحصلوا كل ألامجاد
راحوا وحالت دونهم عنك الألحاد= ماشال من دنياه ياغير الأكفان
وين الذي أهرام مصرٍ بنوها = عطا هم الله قوه وشيدوها
راحوا وخلوها بعد ماسكنوها = ماكنهم كانو لها قبل سكان
يوم الحدوجاهم عذاباًشديدي = مافادهم عزً وقصراً مشيدي
الله هو اللي للمكابر يبيدي = اللي يقابل نعمة الله بنكران
نجى رسول الله ونهان فرعون= وبقى أجسده عبره لناسٍ يعيشون
يوم القيامه عند الأله ملعون= بالدرك الآسفل يقتلب وسط نيران
ولأفادت القوه ثمود وبني عاد= عصو رسول الله في كبر والحاد
ومن الضغينه جابوا الصخر بالواد= حيث انهم صارو عن الحق عميان
وجزاهم الله في رياحٍ عتيه = ثمان ايام وهي عليهم قويه
حتى أهلكوا معاد لهم بقيه= ماصد عنهم قوت الرب سلطان
ماكنهم عاشوا وشادوا مدائن= اليوم مامنهم على الارض كائن
وليوم ماشادوه واضح وباين= للمعتبر باقي على طول الازمان
ومن لاعتبر ماظن له قلب واحساس = مثل البهيمه لو نعد ه من الناس
لابد ماياتيه يوماً وينداس= يوم القيامه مسكنه عند هامان
يالادمي فكر بعقل وبصيره =عذاب ربك صرت تسمع نذيره
فكر لاعل لامر خيراً وخيره= الله أمرك بطاعته يابن الانسان
فكر قبل ياتيك يوماً صعيبي= لعل فالك بالمواقف يطيبي
قبل يجي يوم الطفل به يشيبي= يوم يتبرا أبوك ومك ولاخوان
في ماقفاً فيه الخلايق عرايا= سيان عند الله كل البرايا
تلقا الاجر مكتوب هو والخطايا=تنظر جميع اللي فعلته بالاعيان
أحداً نجى وخذ كتابه بيمناه= وحد خسر وخذ كتابه بيسراه
اللي نجى ربك على الخير يجزاه=له في جنان الخلد عزه ومسكان
واللي خسر يبكي ويدعوثبورا= حيثه عن أهل الحق دائم نفورا
راحت حياته كلها في غرورا = واصبح على مافات من عمر ندمان
لاشك مافاده ندم اوتمني =عايش بوسط النار فيها يوني
وأعضاه تشهد بالذي يفعلني= تشهد عليه أعضاه في كل ماكان
يالآدمي تراك بالقبر تسأل=وفطن ترى الله للمذنبين يمهل
واحذر يغرك منظرٍبه تجمل= الله عطاه المال وانساه الاحسان
وافطن ترى لك بعد موتك محاسب = غير العمل جميع ماحشت ناضب
ومن لاعمل يلقا التعب والمصاعب= عند الولي توزن اعمالك بميزان
المسعد اللي له أعمالاً تنجيه = واللي بذر يحصد بذاراً تعب فيه
وكلاً على محصوله الله يجازيه= يوم الحساب بوقت زوغات الاذهان
ومن بعدها ابا اوصيك بعدة وصايا =نصائحاً من جوف قلبي هدايا
للي لهم بالعرف دائم مزايا= اللي بوقت العرف هم عرفهم بان
الاوله في طاعة الله وتقواه=وصبر على الاقدار وان جتك بلواه
وسنة نبيك انتبه لاتناساه= ود الفرايض كلها دون نقصان
في كلمة التوحيد لازم تفوه= عقيدة بالقلب فيها أتنوه
وتقر بالله ثم راع النبوه= تخلص بقلبك فيه وتقول بلسان
ومن بعدها تد الصلاه بسكينه= بخشوع دائم صلها وقت حينه
موضحه لاهل العقول الفطينه=أوقاتها وشروطها هي ولاركان
وإن كان عندك مال تاجب زكاته= لأصحابها من دون من وشماته
من لا يزكي ماتبارك غناته= خسران من ماله وبالعمر خسران
وصم رمضان اللي على العبد مفروض=أختص به ربك ومنه أطلب العوض
الخير به واضح وبين ومعروض= شهر العفو رحمه وبه كل غفران
والحج واجب كان له تستطيعي = فيه يتساوون الغني والوضيعي
بالعمر مره والعمل مايضيعي =عند الاله المعتلي عالى الشان
والثانيه وصل القرايب فضيله=من المكارم ياحماة الدبيله
واجب علينا وكل عبد وحصيله= أمر بها نبينا بخير الاديان
وحذر عقوق الوالدين العزيزين =خلك لهم أوفى وفي الوفيين
في برهم يامسندي يامر الدين = أمر لهم الله في برواحسان
والثالثه بالجارياطيب الفال= ترى له بقلب العزيزن منزال
إذا مرض لزوم تاتيه بالحال= الجار جار البيت في كل مسكان
الرابعة بالضيف ياهل المعزه = أكرام ضيفك واجبٍ كل حزه
الضيف ضيف الله لزومٍ تعزه =إكرام ضيف الله من زود الايمان
والخامسه بخوانك المسلمبني= ترى لهم عليك حقاً يقيني
تدعولهم مع الكلام الحسيني = كن مثلاً أعلى لهم بين الاوطان
ودرب المراجل للفهيمين واضح= من يفعل المعروف كاسب ورابح
قلته مني أمر للجواد ناصح = ذكرى لعل الله ينفع بها أنسان
وانا احمد الله كل شيٍ ميسر= العلم لأهل العلم بين وفسر
وساد الأمن مافيه احد إيتجسر= من يعتدي بالدار يمسك ويندان
وصلاة ربي عد رمل الطعوسي =على نبياً زال دين المجوسي
آتى بكلاماً فيه طهر النفوسي= المصطفى المختار من نسل عدنان