رماح و طعون

[دمع الغزال]

●● حرفنة علها تصل للذوائق ●●

ليه قومت المحازن ليه صحيت الجراح=ليه قلبك قام يحكي عن مدامع هالعيون
يا حبيبي بالمحبه ما حدٍ منا ستراح=يا بعد قلبي وروحي يابعد كل الجفون
من سرا طيفك ونفسي ما لها بالإنشراح=مالها غير المدامع من عيوني يذرفون
والالم يطعن بقلبي بالسّيوف وبالرّماح=والحزن قام و حضني كني الأم الحنون
أووطن مجده من اصدوف الليالي مستباح= بين هون وبين ذل الشعب عايش ومغبون
يوم سافر بي خيالك ليه ما كمل وراح=ليه خلاني حزينه ليه يترك بي جنون
ارتفع قدرك بقلبي لين قدر الغير طاح=واعتلت روحك عليهم وانبرت ذيك الطعون
كنت لي قصرن حواني من بعد ذيك الضراح=كنت لي شمس الحقيقه كنت لك أحلى فتون
كنت جنه ضم ورده والشذى فيض وفاح=كنت لي نورن يضوّي كنت عالم كنت كون
نامت انوار الشوارع والأمل جر الصياح=واندفن سرك بقلبي والمحاجر له كفون
ليه بعد البعد هذا جيتني بالإقتراح=جيتني تطلب رجوعي من بعد ذيك السنون
لا وربي ما أجي لك لا تفتح هالجراح=انتهى حبن قتلته وصدقت كل الظنون

●● دمع الغزال ●●