بسمة عدوٍ مضمر لـك مصيبـه
ولا قريباً بسمتـه تقـل تطعنـك
وفزت فقيـرٍ مفقـره زود طيبـه
تسوى غنياً يكرمك ثـم يرهنـك
وصدتك لو تحسب بحقك غليبـه
أخير من قولة جهل والبلى منـك
وخوتك للي كـل علـم يحكيبـه
لاتزعل أليا غبت عنـه وتمكنـك
ومن يجحد المعروف صمتك طبيبه
ماهو بقدراً لك على شان يغبنـك
وراع الكبر عطه العلاب القريبـه
قدره قفا لو كان شيخ و على بنك
وربك خلق مع كل عبـدٍ نصيبـه
قسمتك لوطالت ترى مالهـا عنـك
والبخل ذله والكـرم فيـه هيبـه
لو كان فيك عيوب ترجح محاسنك
وكم واحدً ذكره ينومـس قريبـه
وكم واحدً ذكره عسى الله يامنـك
وكم من شبابـاً ماتمنـاه شيبـه
وكم شايباً يحرجك شوفه بموطنك
وكم من شباب جعل عينه تشيبـه
وكم شايباً والله أليا غاب يحزنـك
مشعل بن جريد
03/06/09, (12:18 AM)
وربك خلق مع كل عبدٍ نصيبــه .,’،,’..( قسمتك ) لو طالت ترى مالها عنك
العرض الشجري