نفذ صمت الكلام !

[سعوط المجانين]

نفذ صمت الكلام وفجُر سكـون الفكـر غاليـن = بعد طاحت سما صبري وسال من القلـم حبـره
كأن الحرف مسجون بظلوعي والحكـم عاميـن = ولحني من بكاه يصيح ويقول ( الفـرج بكـره )
الا ياطير لـو شفـت الدمـوع مسيلـه نهريـن = ترى هـذا دموعـي ماهـي البغـداد والبصـره
ذرفها حظي العاثر على ساحـل ورقهـا ليـن ؟ = نبت شوك الزمان المر في جال الـورق واقـره
الا ياطير بشكيلـك مـدام انـك معـي هالحيـن = لك الله مابطى سيل المشاعر غيـر مـن كبـره
ابي دربً بعيد ومـا مشـاه مـن الاوادم سيـن = ابي ارمي به الابـره ويرجعلـي صـدى الابـره
وانا ادري منت فاهمني ولا سامع كلامـي زيـن = ولكن ادري انـك ماتخـون ان خانـت العبـره
انا ياطير فـي واقـع حياتـي ظلـم تجربتيـن = قليل اللي بهالدنيـا يصـون الملـح والعشـره
اقلطهـم بعينـي والرمـوش الشاقيـه ظلـيـن = واحجب اشعاع شمس القيض لو جفني شكى حره
اغرف من البحر " خوفي يجف المـاي للضاميـن = واسيّل في مسامعهـم عذوبـه كنهـا الخمـره
ولكن هذي الدنيـا رمتنـي فـي متـاه سنيـن = وانا عمري بعمر الورد " لاكـن هـذي العبـره "
ياليت الحظ يشرى لو حصيلـه عينـي الثنتيـن = ياليت اللي يلوم بحالتـي لا طـال ابـد عمـره
الا ياطير ماطاح الجمـل لـو تشبـع السكيـن = يبا يبقا ثباته .. لو قسـم رمـح الدهـر ظهـره
وانا مرثي عن الماضي .. ندم لا لا ورب البيـن = ولا جيت متحسف مـن تجـارب زادت الخبـره
اذا قلت النصيب اكبر وانا رجلـي علـى ناريـن = تصدق ان بنتي سبة احزانـي ( وش الدبـره )
تصدق لو اقول : ان الفرح مـا مرنـي سنيـن = تصدق " لو اجيهـا معرفتنـي " بـس لاتشـره
اذا كان القدر اقوي ( وش اللي تقـدر اليديـن ) = اذا كان الامل مدهر .. يموت الغصن من دهـره
امانه معـك ياطيـر السعـد دام الامانـه ديـن = مدام اني اشـوف بنيتـي فـي خـدت القمـره
تعلمها وش : اللي صاب ابوها فالزمان الشيـن = تعلمها وش الحكمه مابيـن الحـر مـع وكـره
وقول : ان الامل باقي مـدام ان البشـر حييـن = فلا ينساك لو عمره قصر او طـال ابـد عمـره
وقول : ابوتس قبل يموت وصاني لتس وصاتين = " تسامحه " .. " وتسيل " كل دمعك في ثرى قبره

للشاعر \ خالد المقاطي