الناس من خلقت بها زايد الزوم = والنفس عن درب الخطاء ما نهوها

[تركي صالح]

السلام عليكم ورحمة الله وبركاته

هذه القصيدة للشاعر / صالح بن سالم القروعي الجعفري العنزي

وهي عبارة عن نصيحة تحاكي بعض اوضاع او طبائع بعض البشر في زمننا هذا

فهاهي بن يديكم .............

الناس من خلقت بها زايد الزوم = والنفس عن درب الخطاء ما نهوها
من خلقت آدم بين ظالم ومظلوم = ما هنا بشر نياتهم صححوها
عيال آدم ما رظوا قسم مقسوم = ما رظيوا القسمه ولا مثلوها
دايم على الدنيا نزاعات وحلوم = والاخرة خيراتها ما بغوها
دنيا الفناء بواقةً شر وهموم = على كثر تنكيدها ما نسوها
كانت مشاكلها على الفرس والروم = والمسلمين بدورهم غيروها
دوراً به الاسلام ماضي ومفهوم = نقوا نفوس الناس ثم غسلوها
ما هنا درن بالنفس حاكم ومحكوم = عدالةً في دورهم وضحوها
صار العدو صديق لو هو من القوم = عدل وعداله للجميع رسموها
عمر وابو بكر على الخط مرسوم = رسالة الامين ما نقصوها
يا بعد فرق الناس بين أمس واليوم = اللي أمس نفس الادمي ما ظلموها
واليوم فيه علوم والعقل مسموم = واللي أمس فرض الخمس ما ظيعوها
ما يلتهي رجالهم غير بالنوم = دور الصحابه والفروض نشروها
وحنا مشاكلنا علينا بها ثلوم = أصغر قضيه بيننا كبروها
يبني عليها فوق حجمه من اللوم = يا ما نتشاكل والنفوس أكسروها
يلعب بعقول الناس نجساً و مشئوم = والنار لو هي طافيه ولعوها
تقل على هرج الرداء غصب مزحوم = نفسه رديه والمناعه غطوها
ما به حلا زولاً مثل شجرة الدوم = عسبه خضر لكنهم ما جنوها
وده يطش الثوب ويمشي بلا هدوم = ويفرق الغرسه مع اللي غرسوها
وعقبه يصير مشرشحً كنه البوم = يا طونه الاجناب ياخلصوها
ابي انصح الحيين من ربعنا اليوم = نصيحةً كان الرجال قبلوها
تر صفوة النيه مرابح بلا سوم = ترفع مقام الناس يا عززوها
ما تثبت التهمه على غير متهوم = ولا تباع سلعه والعرب ماشروها
ولا ينشفي في شي والعمر محتوم = ولا يفيد بالعاصين ايه قروها
والموت ما هو غفوة العين بالنوم = الموت داخل حفرةً ودفنوها
خلوا تلاحمكم على عرف معلوم = اجر وغنيمه مكسبً وكسبوها
ترى الحسد شراً على صاحبه دوم = والشي مرابح سابقاً يا حسدوها
مابين كل المجتمع قذر مدقوم = خسران من جاز الخطى اللي مشوها
مهظوم قدره بين الاجواد مهظوم = الحاسد اللي نيته دبلجوها
لا تخذون الهرج من عقل مذموم = حلل مقام السالفه يا حكوها
ترى نجاح الناس بالفكر مدعوم = سلم على اللي فكرته نجحوها
وسلام مني عد حجاً بثر صوم = على رسولاً حجته بينوها