بكيـتـك مــن الفـرقـا وأنــا دمــع عيـنـي حـــار = سـلامٍ علـى الشرهـه .. والاخـر علـى المنقـود
يقـولـون مــن طيـنـة مـحـنّـه !! وقـلـبـك بـــار = لا والله مـن طينـة عــذاب.. وجـفـا .. وصــدود
يــادوب أتـحـمّـل جـمــرةٍ مـــن جـحـيـم الـنــار = تلـحّـق علـيّـه بأخـتـهـا الـلــي بـــراس الـعــود
خذيت الهوى طيش .. وعبث حب .. وأستهتار = على قولة العربان ( عيـب وعليـه شهـود ) !!
تـبـريـت مـنّــي والـوفــا فـيــك طــيــر وطــــار = عسـاك آخـر العنقـود .. مـنـت أوّل العنـقـود !!
مخليـنـي أعجـوبـة زمــن فــي طـريـق الـمــار = مضحـك بـي العـاقـل .. مشـمـت بــي المـقـرود
لانـــي داخـــل الـصــوره ولا خـــارج الايـطــار = عــدوّك وأنــا غـايـب .. حبيـبـك وأنــا مـوجـود
ورغـم ماتسـوّي بــي مسـامـح عـلـى مـاصـار = وخـيــرك كـثـيـر ومـوقـفـك مـاعـنــه مـنـشــود
مـعـك مابـعـد عـديـت عـمــري مـــن الاعـمــار = مخلـيـه ريـشـه بـيـن أصـابــع هـبــوب الـنــود
تـذكـر ولــك بالـذكـر ( مـالـك مــن الاسـفــار ) = تــذكــر وخــــل الــذاكـــره بـالــزمــان تــعـــود
تـذكـر يــوم أن حــدود وصـلـك ثـــلاث أمـتــار = تخطيـتـهـا مـاكــنّ .. ذيــــك الــحــدود حــــدود
وصلـتـك وقـمـت بواجـبـك قـبــل سـابــع جـــار = أخفّـي علـيـك ســدود .. وأبــدي علـيـك ســدود
ســدودٍ تـبـي تبـنـا .. والاخــرى تـبــي تـنـهـار = مـــن أبّـــدع تـصـاويـر الله الـخـالـق المـعـبـود
أحــس أنّــي أبـحــر فالسفـيـنـه مـــع الـبـحـار = وأنـا أقـول .. يااااااالبّـا هذيـك الوسـاع السـود
أغــازل حـورهـا ..وأنـصـب لرمـشـهـا تـذكــار = وأثــمــن عـطـايـاهـا وهــــي مــاوراهــا فــــود
تــذكّــر وأنــــا ويّــــاك فــــي لــمّــة الـســمــار = تـقـول الـبـرا مــردود .. أقــول الـبــرا مـــردود
تحـديـت فـيـك الـشـاعـر الـلّــي مـــن الـشـعـار = بعـد ماتقـول أسمـه تـذكـر عـلامـة ( قــووود )
تـــوارت نـجـومـه يـــوم لـــدّت لـــي الانـظــار = طـلـع فــي عـيـون الـنـاس مـهـوب ذاك الــزود
تـذكــر يـــوم أنّـــك جيـتـنـي يـاغـريـب الـــدار = أبــشــر بـشــوفــك كــنّـــي أبــشـــر بـمــولــود
فتـحـت الــك صــدري ياحبـيـبـي زرار .. زرار = هذا بيتـك .. وبيـت أمّـك .. وبيـت أبـوك العـود
وتـحـتـلـنـي وتـحـطـنــي دولــــــة أسـتـعــمــار = وأنـا فـي السعوديـه تـحـت رايــة ابــن سـعـود
مدغم ابو شيبه
10/05/09, (09:12 PM)
آخر العنقود !
العرض الشجري