قصيدة الشاعر محمد بن لعبون يرثي زرجته

[حمد الخمعلي]

هذه القصده من قصائد الشاعر المرحوم

محمد بن لعبون العنزي في زوجته عندما اتجهت للحج مع اهلها فقدر الله عليها وتوفيت في الحجاز ودفنت هناك0
فلما عادوا اخبروه بما حصل0فكتب هذه القصيده0

اتمنى ان تحوز على رضاكم

سقا صوب الحيا مزٍ تهاما=على قبرٍ بتلعات الحجازي
يعط ابه البختري والخزاما=وترتع فيه طفلات الجوازي
وغنت راعبيات الحماما=على ذيك المشاريف النوازي
صلات الله مني والسلاما=على من كان بالغفران فازي
عفيف الجيب ماداس الملاما=ولا وقف على طرق المخازي
عذولي به عنيدٍمايراما=ثقيلٍ من ثقيلات المرازي
ابو زرقً على خده علاما=تحلاها كما نقش ٍبغازي
عليه قلوب عشاقه تراما=تكسر مثل تكسير القزازي
ألا ياويل من جفنه علاما=مضاله من لذيذ النوم قازي
ومن قلبه لياهب النعاما=يجرونه على مثل العزازي
تكر ماصفا ياما وياما=صفالي من تدانيه المجازي
ليالي مشربي صاف المداما=وثوب الغي منقوش الطرازي
مضى بوصالها خمسة عواما=وعشرٍكنهن حزات حازي
بفقدي له ووجدي والغراما=تعلمت النياحه والتعازي
وصرت بوحشتٍ من ريم راما=ومن فرقاه مثل الخاز بازي
عذولي في هواها بالملاما=فلا والله تسوا اليوم غازي
سلينا لا حلال ولا حراما=عليههٍ الطلاق بلا جوازي
حيات الشوق فيها والهياما=وقدٍ منه يهتز اهتزازي
وخدٍ هل به بدر التماما=وجعدٍ فوق منبوز العجازي
فلابي عقبها زادٍ ولا ما=وجزت من الهوا والغي جازي
وخضت ابحور لوعتٍ تطاما=خلاف الإنس ضاقت وين أبازي
نكيف الهم في قلبي تراما=وجيش البين بالغزوان غازي
اريده ونكسر كسر السلاما=بسيفٍ جرده ماهو بهازي
علا بخت الدهر ليته تعاما=عفا عنها وليته مايوازي
وليتي ماحكيت ابها وياما=بكيت الها وفي قلبي حزازي
اظل مقاسمه دوم الدواما=همومٍ فيه تنحاز انحيازي
الا يالله يامن بالملاما=يسلم يوم ترزاه الروازي
اسلم له ولا رد السلاما=عزيزٍ من عزيزاتٍ عزازي
صلات الله مني والسلاما=على قبرٍ بتلعات الحجازي