واقف على قاع الظما والري بكفوف الغمام= طالت مسافات الجفا ما بين حظي والقدر
حبيبتي والليل نبض و صمت وانفاس و كلام= والعشق حلم يعلق بدربي مجرات وبدر
ينام مجنون السهر والمستحيل اني انام= والهم صاحي يرسم ألضيقه على وسع الصدر
اهيم لين المرتوي يظما على طبع الهيام= ويغني الراعي على نايه تحت طلح وسدر
لو اتسلق رغبتي ويطير من غصني حمام= ابقى الشجاع اللي هزمت الخوف وسلاح الغدر
ان ما جمعت الضحكه بيوم المواجه والزحام= حرمت اصير اللى نثردمعه من سنين الكدر
واللي هدر دمع الحبيب بطعنة عتاب وملام= يحلم يكسر فرحتي ويضيع احلامي هدر
ما عاش في قاع الظما من يشرب انفاس الغمام= لكن انا لي سالفه ما بين حظي والقدر
وسلامتكم
علي السابل
01/04/09, (04:33 PM)
انفاس الغمام
العرض الشجري