آخر الانتاج........!!

[نمش الشمري]

أشارككم بهذه القصيده المتواضعه..وهي آخر ما كتبت... عسى أن تنال إستحسانكم.
وكما يقال أن آخر قصيده للشاعر دائما تكون الاقرب لنفسه..بصراحه هي
ليست الأقرب.. ولكن لها شئ ما في نفسي...ولكم الحكم

بسم الذي..ما له شريك(ن).. ولا ند=اللي يظلِّل ساعـة الضيـق ظلِّـه
بديت بإسمه..دون واهس.. ..ولاود=ولاأبغى مجال الشعر..دقِّه وجلِّـه
عندي همومن تشغل النفس.. وتسد=بأسباب ظنِن ما طلع فـي محلِّـه
بأسباب من لا عدّو الطيب.. ينعـد=ولا سجّلوا زيـف ونفاق..بسجلِّـه
حسب إستطاعاته.. وما تملك اليـد=إليا زهمتـه بالوفى..جـاك كلِّـه
اللي.. على دين المناعير....وإرتد=-ما هو بناقص وأصبح النقص خلِّه
ضاعت عناوينه..وعنه الوفى.. شد=باع الرصيد..وسيف الافلاس سلِّه
أفلس من الفزعه.. وهو للوفى قـد=كم لازمن طافه..وهو قـادرن لـه
كنا نظنه.. يطرح الصيد..لا هـد=وقت الهداد ينومـس اللـي يشلِّـه
لكن نسى الواجب.. ولا هو بمحتـد=ما يدري إن الطيب مذهب..وملـه
عند الرجال اللي يجي مزحها جـد=بأقـوال وأفعال..وشهـود وأدلّـه
وللطيب ما توجد نهايه... ولا حـد=طريـق واضـح والنشاما..تدلّـه
ولا تحكمه حال البحر جزر أو مد=ولا تمنعه..غلطه وهفـوه وزلـه