لاينفتح في غيبتك باب هالليل...

[جنون الحلم]

مدخل...

خذني كما طفله صغيره تبي الشيل=وإحضنّي ودي يمسح الدمع كمـك
مابه سواك بطلة الصبح والليـل=يطري علي ويشغل البـال همـك

متواضعه للتواصل علّها تصل لذائقتكم الراقيه...

يامن عقب عشقه وغرامه نساني=تكفي طلبتك ماأبي عتمة الليل
أبك إنت نور العمر وإنت الاماني=وإشلون تهجرني وتهدم بي الحيل
بك نظرتي عيت تفارق زماني=عيت تهزْ قدرك جروحٍ محاصيل
أزريت حب وأزرى ينادي لساني=يقول هد الحيل كثر المواويل
ياشيخ روف وعود تكفى عشاني=لاماهو لأجلي..! لأجل ذيك التفاصيل
يعني يهون الضحك ويا الأغاني=يعني تهون بعينك أحلى المراسيل
طيب دقيقه بسألك لو أعاني=وأوصل حدود الموت ويجرفني السيل
عادي أموت وتفرح الموت جاني=ودوني تكمل هــ / الليالي المقابيل
ياحلم عمري عود لي الاولاني=وأوعدك ألقا لشين الأطباع تبديل
وأفتحلك أحضاني ..تدفا بحناني=وأرويك عشق... أسقيك من منبع النيل
بس تكفي ...وتكفي تريث عشاني=لاينفتح في غيبتك باب هــ / الليل
واضّيع بفقدك جميع المواني=واتوه في بحر الجفا وأنده الويل
ويتعلق بقشة طيوفك كياني=وتقوم تغدربه مع ميلة الميل
شف غيبتك طالت وأنا في مكاني=وشلون ترضى الهم يهدم بي الحيل

مخرج...

قلبي عن صنوف الرجاجيل معمي=وأحلام عمري شفتها مقبله فيه
ماكنت أحلم بس ..!هو صار حلمي=وأجمل حقيقه أنتظرها تغنيه

هذا الرجل ليس من هذا الزمان وإنما هو إسطوره من الحلم قد تتسطر هنا ذات يوم.........

ودي جنوووووووووونــ الحلم