ابسط احلامي !

[سعوط المجانين]

ماقلت لي شي وش خليت ماقلته = اسكت وخل الكلام لجرحي الدامي
لوغيرك اللي يسولف ماتحمّلته = لكن على شان عينك هانت ألامي
للحب مفهوم عمرك ماتخيلته = ماأظن يستوعبه تفكيرك السامي
هذا الفراق الطويل وهذي أسئلته = هذا حصاد السنين وهذي أيامي
ياما وياما عليك البال طولته = والعمرعدى وأنا عايش على أوهامي
حتى طريق الفراق اللي تساهلته = لقيته أصعب على نفسي من أقدامي
اصبرلي شوي لودمي تثاقلته = بحاول أستوعب اللي صار قدامي
الحب ضحكة بعينك بس ماطلته = عمرك بهالكون شفت أبسط من احلامي!
القلب لوماخفق لك كان ماشلته = ولوماأنت ملهم قصيدي جفت أقلامي
هذا قصيدي بعينك لو تجاهلته = ينزف على شأن يروي قلبك الضامي
العام طاري غيابك ماتقبلته = واليوم حرماني أصبح مصدر إلهامي
لاتعتذرلي وابنسى كل ماقلته = وش ينفع العذر لامن ضاعت أيامي ؟

للشاعر\ متعب التركي